पेशोक: 18 दिसेम्बर(निसं): तक्दाह-ग्लेनबर्न समष्टि अधीनस्थ रहेको सिंग्रीताम ग्राम पञ्चायतको वार्ड नम्बर पाँचको सिंग्रीताम प्राथमिक पाठ्शाला प्राङ्गणमा मंगलबार पेटुनिया फूलखेती माथि एक दिने प्रशिक्षण कार्यक्रम सम्पन्न भयो, जसको जानकारी सांसद पाँचका सदस्य धिरज राईले दिए। यसबारे सष्य राईले जनाए अनुसार, करुणा सिचेन भारतको तर्फ बाट उक्त एक दिने पेटुनिया फूल खेती माथि प्रशिक्षण आयोजना गरिएको हो भने यो महिना उक्त फूलको निम्ति निक्कै उपयोगी रहेको कारण ड्बल पेटुनिया फूलको विरुवाहरु पनि वितरण गरियो। पेटुनिया कुन प्रजातिको फूल हो भन्दै यसको खेती गर्दा कुन कुन कुरा अनि माटो र मलको के कस्तो प्रकारले प्रयोग गरिनु पर्छ भन्नेबारे उक्त प्रशिक्षण शिविरमा मिरिक थर्बु चियाबारीका धिरज नर्सरीका धिरज राई अनि सुमिरण नर्सरीबाट राजेन राईले सहज अनि सरल तरिकाले व्यावहारिक ज्ञान प्रदान गरे।
यहाँको पर्यावरणलाई नियाल्दा अर्किट फूलको खेती फष्टाउने प्रबल सम्भावना रहेको उक्त शिविरमा बताउदै फूल खेतीमा पैसा, आमदानी र सम्मान पनि रहेको बताए। अब पहाड्का बेरोजगार युवा जमातले फूल खेतीमा मन बनाए प्रसस्त आय हुने बताए।फूल खेती प्रती युवाहरुको मन नबनाए नेपाल अधिराज्यको सुर्य उदय नगरपालिका फिक्कल र इलामले विश्व बजारमा अधिकार जमाउने शिविरमा प्रशिक्षकले ठोकुवा गरे।
गोर्खाल्याण्ड टेरिटोरियल एड्मिनिस्ट्रेसन(जीटीए) क्षेत्रको तक्दाह-ग्लेनबर्न समष्टिको सिंग्रीताम क्षेत्रमा फूल खेतीबारे मन मात्र बनाउन पर्ने भन्दै यसको लागि मल यथेष्ट मात्रामा पाइने शिविरमा बताइएको थियो भने ती फूल उद्यमीहरुको निम्ति धिरज नर्सरी अनि सुमिरण नर्सरी सदैव खुल्ला रहेको उपस्थित प्रशिक्षणमा आएका फूल उद्यमीहरुलाई हौसलासंँगै उत्साह प्रदान गरिएको संसद राईले दर्पणलाई जानकारी गराए।
बुधबार सम्पन्न उक्त एक दिने पेटुनिया फूल खेती माथि आयोजित प्रशिक्षण शिविरमा सांसद पाँचका सदष्य एवं कृषि एवं पशु विकास सम्पदा विभागीय सञ्चालक धिरज राई, करुणा सिचेन भारत सिंग्रीताम ग्राम पञ्चायतका बीएससी अध्यक्ष धिरज राई, पञ्चायत मोटिभेटर जैनन राणा, सुधाकर छेत्री, एवं शिवाणी छेत्री आदिको उपस्थिति रहेको जनाउदै प्रशिक्षण शिविरमा लगभग चालीसजना फूल उद्यमीहरुको बाक्लो उपस्थिति रहेको सदस्य राईले थप जानकारी दिए।
