सुपर कार ड्राइभः राष्ट्रिय गर्व र सैन्य इतिहासको सफल संयोजन

भारतीय सेनाको त्रिशक्ति कोर्प्सले आयोजना गरेको भारत रणभूमि दर्शन सुपर कार ड्राइभको कार्यक्रम एक नागरिक–सैनिक पहल थियो जुन सुपर कार रुट (मुम्बई) र सिक्किम सरकारको साझेदारीमा सम्पन्न भएको थियो। जसको उद्देश्य जिम्मेवार पर्यटन प्रवर्द्धन गर्नु, भारतको सीमा सम्पदालाई प्रदर्शन गर्नु र नागरिकहरू र सशस्त्र बलबीचको सम्बन्ध बलियो बनाउनु थियो। कार्यक्रमको उद्घाटन लेफ्टिनेन्ट जनरल मन राज सिंह मान, जनरल अफिसर कमाण्डिङ, त्रिशक्ति कोर्प्स, सुक्नामा गरेर गरिएको थियो। त्यसपछि मुम्बईबाट आएका १७ वटा सुपरकारहरूको कन्भोइ ऐतिहासिक सिक्किम सिल्क रुट हुँदै, गान्तोक, नाथुला र जुलुक हुँदै यात्रा गर्यो। यस मार्गले पूर्वी हिमालयको प्राकृतिक सौन्दर्य र उच्च-उचाइ सीमा क्षेत्रको रणनीतिक महत्वलाई उजागर गर्‍यो। सहभागीहरूले चो ला र नाथु ला संघर्षको समयमा राष्ट्रको रक्षा गर्ने भारतीय सैनिकहरूलाई श्रद्धाञ्जली अर्पण गरे।
यस पहलको प्रमुख आकर्षण १४ डिसेम्बर २०२५ मा उद्घाटन गरिएको चो ला प्रेरणा स्थल थियो, जुन पर्यटकहरूका लागि खोलियो। उक्त संरचनामा चो ला युद्ध स्मारक, एक अडियो-भिजुअल कोठा, र चो ला तालको दृश्य दिने गजिबो समावेश छन्। यी सुविधाहरूले नागरिकहरूलाई सैनिकहरूले गरेका बलिदान र यस कठिन भुभागमा उनीहरूले दैनिक सामना गर्ने चुनौतीहरूको बुझाइ र सम्बन्ध बनाउन मद्दत पुर्‍याउँछ। थप रूपमा, सुधारिएको पर्यटक पूर्वाधार र पर्यटकहरूको बढ्दो संख्याले क्षेत्रीय स्तरमा राष्ट्रिय उपस्थिति बलियो बनाउँछ र जिम्मेवार सहभागितालाई प्रवर्द्धन गर्छ।
चो ला मा भएको उद्घाटन समारोहमा सिक्किमका राज्यपाल ओम प्रकाश माथुर अनि सिक्किम उच्च अदालतका प्रधान न्यायाधीश न्यायधीश बिष्णाथ सोमद्दरसहित वरिष्ठ नागरिक र सैन्य अधिकृतहरू उपस्थित थिए।
यस पहलले साहसिक यात्रा, राष्ट्रिय गर्व र सैन्य इतिहासलाई सफलतापूर्वक संयोजन गर्यो भने जिम्मेवार पर्यटन र स्थानीय संलग्नतालाई प्रवर्द्धन गर्‍यो। भारत रणभूमि दर्शन सुपर कार ड्राइभ एक महत्वपूर्ण पहलको रूपमा रहेको छ जसले हिमालयको उत्सव मान्छ, भारतीय सैनिकहरूको साहसलाई सम्मान गर्छ र भारतका सीमावर्ती क्षेत्रहरूमा राष्ट्रिय गर्वलाई बलियो बनाउँछ।