तीनधारे, (निसं): तीनधारे उच्चत्तर माध्यमिक विद्यालयको पूर्व शिक्षक प्रभारी दुलाल चन्द्र मन्ना (मन्ना सर) को निधन भएको छ। तीनधारे उच्चत्तर माध्यमिक विद्यालयको पूर्व शिक्षक प्रभारी दुलालचन्द्र मन्नाको कोलकोताको बेहालास्थित निजी बासस्थानमा सोमवार 67 वर्षको उमेरमा निधन भएको जानकारी प्राप्त भएको छ। उनले तीनधारे हाई स्कूलमा 1984 सालदेखि शारीरिक शिक्षा विषयमा शिक्षकको रूपमा कार्य शुरु गरेका थिए। उनी 2013 देखि 2018 सम्म यस विद्यालयमा शिक्षक प्रभारीको रुपमा कार्य गरेर 2018 सालमा अवकाशप्राप्त भएका थिए। उनको केही दिन अघि ह्रदयघातको कारणले उपचार चलिरहेको र सोमवार निधन भएको जानकारी प्राप्त भएको छ। तीनधारे उच्चत्तर माध्यमिक विद्यालयकी प्रधान अध्यापिका रञ्जना प्रधानले पूर्व शिक्षक प्रभारी दुलालचन्द्र मन्नाको निधनमा श्रध्दाञ्जली अर्पण गर्दै शोकित परिवारमा गहिरो शोक समवेदना प्रकट गरेकी छन्। उनले दुलालचन्द्र मन्नाको निधनले तीनधारे क्षेत्रका शिक्षा क्षेत्रमा ठूलो क्षति भएको र विद्यालय परिवार शोकित बनेको बताएकी छन्।
