तीनधारे, (निसं): गोर्खा जनमुक्ति मोर्चा तीनधारे महानदी समष्टिको सांगठनिक सभा तीनधारेको बीस माइलमा सम्पन्न भएको छ। उक्त सभाको अध्यक्षता गोजमुमो तीनधारे खण्ड समितिको संयोजक सनतचन्द्र लोहारको अध्यक्षतामा सम्पन्न भएको छ। सभालाई गोजमुमो तीनधारे महानदी समष्टिको सभापति ऐतमान राईले सञ्चालन गरेका थिए।
सभामा गोजमुमो केन्द्रीय सदस्य एवं पञ्चायत सदस्य योगराज प्रधान, खरसाङ महकुमा समितिको सभापति योगेन्द्र राई, महकुमा समितिको सचिव रोहित स्याङ्बो, सह सचिव विकास तिरुवा, घैयाबारी खण्ड समितिको संयोजक दिप सन्यासी र सभाध्यक्ष सनतचन्द्र लोहार आदिले सम्बोधन गरेका थिए।
सभामा वक्ताहरुले गोजमुमो पार्टीको सांगठनिक गतिविधि र आगामी दिनहरुमा पार्टीको गतिविधि तीब्र पारिने भएको बताएका छन्। यसको साथै वक्ताहरुले पार्टीको कतिवटा अड़ानहरु र भावी रणनीतिहरु साथै आगामी चुनावलाई लिएर पनि चर्चा परिचर्चा गरिएको छ। सभामा वक्ताहरुले गोजमुमोले चुनाव मात्रै होइन तर मुद्दाप्रति फोकस गरेर सभाहरु गरिने विषयमा पनि चर्चा परिचर्चा गरिएको छ।
सभामा गोजमुमो तीनधारे महानदी समष्टिको सभापति ऐतमान राई, खरसाङ टाउन कमिटीको सचिव गोपाल प्रधान, तीनधारेबाट प्रसाद लोहार लगायत अन्यहरु पनि उपस्थित रहेका थिए। सभापछि पत्रकारहरुसित कुराकानी गर्दै गोजमुमो खरसाङ महकुमा समितिको सचिव रोहित स्याङ्बोले विस्तृत रुपमा जानकारी गराएका छन्।
