मजुवा क्षेत्रका युवाहरूलाई सभासद् श्याम शेर्पाद्वारा जर्सी प्रदान

खरसाङ, 10 दिसम्बर (निसं): मजुवा क्षेत्रका युवाहरूलाई खेलकुदप्रति प्रोत्साहन प्रदान गर्दै 28 नम्बर खरसाङ शहर चिम्नी देवराली समष्टि सभासद्‌‍ श्याम शेर्पाले क्रिकेटको जर्सी प्रदान गरे। 28 नम्बर समष्टि अन्तर्गत रहेको मजुवा क्षेत्रका युवाहरूको खेलकुदप्रति लगाव देखिएकोले यसरी क्रिकेटको जर्सी प्रदान गरिएको हो भनी सभासद्ले बताएका छन्‌‍। जर्सी प्राप्त गरेकोमा खुशी प्रकट गर्दै क्षेत्रका युवाहरूले सभासद्प्रति कृतज्ञता प्रकट गर्दै सभासद्ले गुणस्तरको क्रिकेटको जर्सी प्रदान गरेका छन्‌‍ भनी बताएका छन्‌‍। खेलकुदमा सक्रिय रहेका एक युवा समीर राईले जानकारी गराए अनुसार यस भन्दा अधि पनि युवाहरूलाई प्रोत्साहन प्रदान गर्ने उद्देश्यले सभासद्ले क्रिकेटको समानहरू प्रदान गरेका थिए साथै फुटबलको जर्सी र फुटबल पनि प्रदान गरेका थिए। समीर राईले भने, हामी युवाहरूको तर्फबाट सभासद्‌‍ श्याम शेर्पाप्रति आभार प्रकट गर्छौँ अनि धन्यवाद दिन्छौँ। आगामी दिनहरूमा हामी यस क्षेत्रको एउटा राम्रो क्रिकेट टीम बनेर अघि आउइनेछौँ भन्ने हामीलाई विश्वास छ। सभासद्‌‍ श्याम शेर्पाले आफूले क्रिकेटको जर्सी प्रदान गरेको बारेमा बताउदै भने, वर्तमानमा कतिपय युवाहरू नशालु पर्दाथको कुलतमा फँसेर आफ्नो जीवन नष्ट गरिरहेका छन्‌‍। एक युवा कुलतमा पर्नुको असर तिनको परिवार, गाउँ-घर र समाजलाई पनि पर्छ। नाला, बाटो, झोड़ाको समस्यामा मात्र होइन हामीले समाजमा युवाहरूलाई सही दिशामा अघि बढ़ाउन पनि आवश्यक छ। युवाहरू कुन दिशामा जादैछन्‌‍, भन्ने पनि हामीले याद गर्नुपर्छ। युवाहरूलाई खेलकुदमा प्रोत्साहन प्रदान गर्नको निम्ति हामीले विगतमा समष्टिको नगरपालिका अनि पञ्चायत दुवै क्षेत्रमा फुटबलको जर्सी, फुटबल साथै अन्य खेलकुदको समान वितरण गरेका थियौँ। भविष्यमा पनि युवाहरूलाई सही बाटोमा दोहोऱ्याउन अनि खेलकुद, सङ्गीत, कला, शिक्षा क्षेत्रमा प्रोत्साहन प्रदान गर्न सक्दो प्रयास गर्ने छौँ। युवाहरूलाई नशालु पदार्थ सेवनबाट जोगाउन सचेतना मूलक कार्यक्रमहरूको पनि आयोजना गर्नेछौँ। यस कार्यमा हामी पुलिस विभागलाई साथमा लिएर अघि बढ़नेछौँ।