घलेगाउँ विशाल राईको घरमा आगलागी 

बिजनबारी, 4 दिसम्बर(निसं): नयाँ नोर ग्रामको घलेगाउँ निवासी विशाल राईको घर गएराती जलेर खरानी भयो। दाजलिङ पुल बजार खण्ड अधीनस्थ नयाँ नोर ग्रामको घलेगाउँ निवासी विशाल राईको  घर गएराती जलेर खरानी भएको खबर प्राप्त भएको छ। घटना अनुसार मगलबार राती लगभग 2 बजीतिर राईको घरमा अचानक आगलागी भएको बताएको छ भने उक्त घटनामा कसै हताहत नभएको भएपनि राई परिवारले घरभित्र राखेको सम्पुर्ण सरसमान केहि निकाल्न नपाएको बताइएको छ। घटनाको समयमा राई परिवार उक्त घरमा नभएको थाहालागेको छ भने निर्माण कार्य लगभग पुरा भई सकेको पीडित पक्षले जनाएका छन। हामी जीवनभर कमाएको कमाई एकै छाक भएको छ यो भन्दा दु:ख हुने ठाउँ हामीलाई छैन पीडित बिशाल राई बताउछन् भने आफुहरुले थाहा पाउदासम्म सबै जलिसकेको उनको भनाइ छ। घटना के कारणले भयो त्यसबारे कुनै स्पष्ट नभएको तथा  घटनाको बृस्तित जानकारी सम्बन्धि निकायलाई पठाएको बताइएको छ। अर्कोतिर घटनाको थाहा पाउनसाथ ग्राम पञ्चायत प्रतिनिधिहरुले स्थलगत भ्रमण गरि घटनाको बारेमा माथिल्लो निकायलाई जानकारी खबर गरिसकेको तथा आफुहरु बाट हुनसक्ने सहयोग गर्ने ग्राम पञ्चायतले बताइएको छ।