सोनादा
: स्थायी पेब्याण्ड पारा प्राथमिक शिक्षक संगठन सोनादा क्षेत्रको आयोजनामा बिदाई एंव सम्मान समारोह सम्पन्न भएको छ। उक्त कार्यक्रमको अध्यक्षता हिल तराई प्राथमिक शिक्षक एसोसिएसन सोनादा सर्कलको सभापति प्रकाश राईले गरेका थिए भने प्रमुख अतिथिको रुपमा जीटीएको डेपुटी चेयरम्यान एंव प्राथमिक शिक्षा विभागको प्रभारी सभासद राजेस चौहान उपस्थित रहेका थिए। कार्यक्रममा विशिष्ट अतिथिको रुपमा एआई प्रदीप सुब्बा, सुखिया खण्ड, एसआई आनन्द शर्मा सोनादा सर्कल, लोवर सोनादा ग्राम पञ्चायतको प्रधान बैजन्ती तामाङ, धोत्रे कलेजभेल्ली ग्राम पञ्चायतको प्रधान, पूर्व सभासद महेन्द्र प्रधान लगायत अन्यहरु उपस्थित रहेका थिए। कार्यक्रमलाई चन्दन लकान्द्रीले सञ्चालन गरेका थिए। अतिथिहरुका बाहुलीबाट धुप दीप प्रज्ज्वलन गरी थालिएको कार्यक्रममा स्वागत सम्भाषण राजीव त्रिखत्रीले राखेका थिए कार्यक्रममा एमबी सरले कविता वाचन गरेका थिए भने गीत गोबिन्द सर, राजीव सर, निमा सर र शिक्षिका सबानी आदिले प्रस्तुत गरेका थिए। यसै कार्यक्रममा अवकाशप्राप्त सातजना शिक्षक-शिक्षिकाहरुलाई सम्बर्ध्दनासहित बिदाई दिइएको छ। सोनादा क्षेत्रका उक्त सम्मानित शिक्षक शिक्षिकाहरु गत 1 सेप्टेम्बर 2024 देखि 31 अक्टोबर 2025 को समयावधिमा अवकाशप्राप्त भएका थिए। कार्यक्रममा एसआई आनन्द शर्मा, एआई प्रदीप सुब्बाले वक्तव्य राखेका थिए। कार्यक्रममा प्रमुख अतिथिको रुपमा उपस्थित जीटीएको डेपुटी चेयरम्यान एंव प्राथमिक शिक्षा विभागको प्रभारी सभासद राजेस चौहानले वक्तव्य राखेका थिए। यस विदाई एंव सम्बर्ध्दना कार्यक्रम जिल्ला बोर्ड सदस्य किरण बरदेवाले संयोजकत्व गरेका थिए। यस अवसरमा जिल्ला बोर्ड सदस्य किरण बरदेवाले कार्यक्रम सफल बनाउन सहयोग गर्ने सबै शिक्षक शिक्षिकाहरुप्रति आभार प्रकट गरेका छन्। उनले अवकाशप्राप्त शिक्षक-शिक्षिकाहरुलाई अवकाश जीवनको शुभकामना व्यक्त गर्दै आगामी दिनको लागि शुभकामना व्यक्त गरेका छन्।











