बाल दिवसमा फुवागढी उमाविको “नव्य दृष्टि “भित्ते पत्रिका विमोचन

बाल दिवसको अवसर पारेर फुवागढी उच्चत्तर माध्यमिक विद्यालयले विशेष समारोहबीच आफ्नो भित्ते पत्रिका “नव्य दृष्टि”को शुक्रबार विमोचन गरेकोे थियो। विद्यालयका शिक्षक प्रभारी पेमा लामाको अध्यक्षता अनि सौरेनी ग्राम पञ्चायत दुईका पञ्चायत सदस्य एवम् सञ्चालन समिति सदस्य रोशन लामाको प्रमुख आतिथ्य रहेको समारोहमा विद्यालयका ज्येष्ठ शिक्षक मोहन दोर्जे लामा रोशन दियाली, शिक्षिकागणमा रोश्ना तामाङ नीलम बान्तावा, सुमित्रा राई, बिनिता मोक्तान शिक्षक सञ्जीत तामाङ ,भुपेन राई, सिद्धान्त शिरोमणि शर्मा लयागत अभिभावक प्रभात छेत्री आदिको उपस्थिति रहेको थियो। पण्डित जवाहरलाल नेहेरुको तस्बिरमा दीप प्रज्जवलन गरि कार्यक्रमको शुभारम्भ गरियो। सह शिक्षक मोहन दोर्जे लामाको स्वागत सम्बोधनपछि शुरु गरिएको यस् समारोहमा नव्य दृष्टि विद्यार्थीहरुको हस्तलिखित लेख रचनाहरु चित्रहरुलाई एक ठाउँमा सजाएर भित्ते पत्रिकामार्फत प्रोत्साहन जगाउन यो प्रयासमा गरिएको थियो।समारोह अध्यक्ष साथै प्रमुख अतिथि, विद्यालयका शिक्षक शिक्षिकाहरुको प्रमुख उपस्थितिमा भित्ते पत्रिका नव्य दृष्टिको विधिवत रुपमा अनावरण गरियो। प्रमुख अतिथिले पत्रिका विमोचन भएको घोषणा गरे। नव्य दृष्टि विद्यालयमा पहिलोपल्ट भित्ते पत्रिका बनेर आएको छ विद्यालयको मुख पत्र पलास फूल हो नव्य दृष्टि कोपिला हो यस् पत्रिकाका परिकल्पनाकार रोशन दियालीले बताए। नव्य दृष्टि भित्ते पत्रिकाका प्रमुख सम्पादक सञ्जीत तामाङ नेपाली विभाग रहेका छन् भने अंग्रेजी विभागका शिक्षिका रोश्ना तामाङ र मृणालिनी लामा रहेकी छिन्। प्रमुख सम्पादक सञ्जीत तामाङले नव्य दृष्टि विद्यार्थीहरुमा भएको लेखन प्रतिभाहरुलाई प्रगाढ बनाउने उदेश्यले तयार पारिएको भित्ते पत्रिका नव्य दृष्टि विमोचन भएको छ। यसका अवधारणा शिक्षक रोशन दियाली सरको हो भन्दै यो पत्रिकाले निरन्तरताको प्रण गरेको बताए। विद्यालयका शिक्षक प्रभारी पेमा लामाले बाल दिवसको अवसरमा विद्यार्थीहरुलाई वधाइ अनि शुभकामना सन्देश दिंदै भित्ते पत्रिका विद्यार्थीहरुको उपज रहेको बताए। यसका अवधारणा दिनु हुने रोशन दियाली सरलाई यस् पत्रिकाका आजिवन सदस्य रहनुहुने घोषणा गरे। विद्यार्थीहरुलाई पठनपाठनसितै उनीहरुमा भएको प्रतिभालाई प्रस्फुटन गराउने उदेश्यले यो दिशामा कार्य गरिएको बताए। विद्यार्थीहरुलाई खेलकूद, साहित्य संगीत र कलाको क्षेत्रमा पनि अग्रगामी बनाउने हाम्रो उदेश्य रहेको बताए। उनलेे पत्रिकाका सम्पूर्ण सदस्य पत्रिका उप समितिलाई आभार प्रकट गर्दै सम्पादन मण्डलीप्रति विशेष आभार प्रकट गरे। सह शिक्षक बाल कृष्ण शर्माको सञ्चालनमा सम्पन्न उक्त समारोहमा विद्यार्थी रेजुल राईले कविता पठन अनि पाँचौं र छैटौं श्रेणीका विद्यार्थीहरुले गीत प्रस्तुत गरेका थिए।