दार्जीलिङ पहाडकाे प्राकृतिक सम्पदा अनि खाेला नाला र पानीकाे संरक्षण गर्ने उदेश्यले माकपाकाे युवा संगठन डीवाईएफआईले मिरिक नन्दलाल गाउँ सार्वजनिक भवनमा स्थानीय पैह्राे पीडित अनि आम नागरिकहरूलाई सहभागी गराई एउटा सचेतना कार्यक्रमकाे आयाेजना गर्याे। जसमा डीवाईएफ आई राज्य कमिटि अध्यक्ष राेनाङ्सु सरकार, जिल्ला अध्यक्ष सागर शर्मा, माकपा मिरिकका नेता किस्मत तामाङकाे विशेष उपस्थिति रहेकाे थियाे। कार्यक्रममा पैह्राे पीडितहरूकाे शीघ्र पुनर्वासकाे माग गरियाे भने शीघ्र पुनर्वास नभए डीवाईएफई आन्दाेलनमा उत्रिने चेतावनी वक्ताहरूले दिए। यस अवसरमा डीवाई एफआईकाे पक्षबाट पैह्राे पीडितहरूलाई राहत सामग्री पनि वितरण गरियाे।
