गत शनिबार विहान भुकभुकेमा मिरिकमा गएकाे विनाशकारी पैह्राेले घर विहीन बनेका अनि पैह्राेकाे जाेखिममा रहेकाहरूलाई सुरक्षित स्थानमा राख्न तीनवटा राहत शिविर गाेर्खाल्याण्ड क्षेत्रीय प्रशासन, मिरिक प्रशासनले संचालन गरेको छ। उक्त राहत शिविर साैरेनी बजार सार्वजनिक भवन, मिरिक बजार सार्वजनिक भवन अनि मिरिक नगरपालिका वार्ड नम्बर नाेै सार्वजनिक भवनमा संचालन गरिएकाे छ। उक्त राहत शिविरमा हाल दुई सयभन्दा अधिक मानिसहरू बसेका छन् भने उनीहरूलाई खाना, वस्त्र लगायत आवश्यक सामाग्रीहरू उपलब्ध गरिदिएकाेले राहत शिविरमा हालसम्म कुनै समस्या र अभाव देखिएकाे छैन। आधिकारिकरूपमा मिरिकमा तीनवटा राहत शिविरहरू स्थापना गरिए पनि कतिपय गाउँ बस्तीकाे सुरक्षित स्थानमा पनि पैह्राे प्रभावित मानिसहरू बसेकाे जानकारी पाइएकाे छ।
