दार्जीलिङ विधानसभा क्षेत्रका विधायक निरज जिम्बाको पहलमा आफ्नो विधायक निधि (MLA LAD Funds) अन्तर्गत दार्जीलिङ पहाडको विभिन्न क्षेत्रमा सौर्य स्ट्रीट लाईट जडान गर्ने कार्य तीब्र गतिमा अगि बडिरहेको छ। यसैक्रममा सुके पोखरी खण्ड बिकास अन्तर्गत पर्मागुडी ताम्साङ ग्राम पन्चायतका ताम्साङ क्षेत्रहरु मोतीधुरा, लिम्बुधुरा, कालुधुरा, सुरसिङ धुरा अनि गोदाम धुरामा स्ट्रीट लाईट जडान गरेको गोरामुमो तुङसुङ मेरिबुङ समष्टिका युवा नेता टाँशी छिरिङ भुटियाले जानकारी दिएका छन्। उनले थप जानकारी गराए अनुसार ताम्साङ क्षेत्रका गाउँ घरमा राति अँध्यारो भएको कारण धेरै समस्याहरु भोग्नु परेको कारण विधायक निरज जिम्बालाई जानकारी गराए पछि वहाँ द्वारा १० थान स्ट्रीट लाईट प्रदान गरेका हुन् । टाँशी छितेन भुटियाले जानकारी दिए अनुसार कुल लागत ३,५१,५८० मा जडान गरिएको स्ट्रीट लाईटले
सुरक्षित ग्रामीण बाटो र सबल सामुदायिक सुविधा प्राप्त भएको छ। यस कार्यको लागि स्थानीय ताम्साङ ग्रामवासीको तर्फबाट छितेन टाँशी भुटियाले विधायक निरज जिम्बालाई हार्दिक आभार व्यक्त गरेका छन्।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
