युवा लेखिका रीना सुब्बाको तेस्रो कृति उपन्यास “परिवर्तित अनुहार”को परिमार्जित दोस्रो संस्करणमाथि विमर्श कार्यक्रमको आयोजन एसोसिएशन फर रिसर्च अन नन्प्रफीटेबल अर्गनाइजेशन्स एन्ड वल्युन्टेरी एक्टिविटिज, आरनोवाले गरेको थियो। आइतबार आयोजित विमर्श कार्यक्रममा डा. पद्मश्री लक्ष्मी देवान र मेनका तामाङले उपन्यासभित्रको विभिन्न पाटोहरूमाथि व्याख्या गरेका थिए। जसको सञ्चालन आरनोवाका उपसचिव लादोर्जे तामाङ विनोदले गरेका थिए भने सम्पूर्ण कार्यक्रमको सञ्चालन सचिव दिवाकर ढुङगेल शर्माले गरेका थिए।
सिलगढीको चम्पासरी अवस्थित आरनोवाको कार्यालय भवनमा आयोजित कार्यक्रमको अध्यक्षता नारी हस्ताक्षर सुष्मा गुरूङ मोक्तानले गरेकी थिइन् भने मुख्य अतिथि अवकाशप्राप्त कर्णल केशव राई अनि विशिष्ट अतिथि अवकाशप्राप्त क्याप्टन हेमन्त सुब्बा रहेका थिए। यसै गरी आरनोवाका सल्लाहकार डा. जीवन राणालगायत अन्यान्यको पनि उपस्थिति रहेको थियो। विमर्शको पछि महिला पुरूषको सम्बन्धमाथि खुल्ला बहस राखिएको थियो, जसमा अध्यक्ष, प्रमुख अतिथि, विशिष्ट अतिथि, विमर्षकारद्वय र आरनोवाका उपाध्यक्ष सन्तोषमणि राईले आ-आफ्नो विचार पोखेका थिए।
