११औं बौद्ध धर्मगुरू अवतारी कृति रिम्पोर्छेको ८३ वर्षीय जन्म जयन्ती विविध कार्यक्रमको साथमा पालन गरियो। युवक संघ प्राथामिक पाठशाला र कृति गुम्बा सुकेपोखरीले रिम्पोर्छेको तस्बीरमा दीप प्रज्व्तलन गरी बौद्ध परम्परा अनुसार पूजा अर्चना गर्दै केक काटेर पाठशालाका शिक्षक शिक्षिका एवं गुम्बाका लामाहरूले उक्त जयन्ती पालन गरे। यस अवधि गुम्बाका लामाहरूले रिन्पोर्छेको जन्म जयन्तीलाई प्रभावकारी बनाउन तथा पर्यावरण संरक्षणमाथि जोर दिंदै दुवै पक्षले रिन्पोर्छेको नाममा वृक्ष रोपन कार्यक्रम पनि सम्पन्न गरे। वृक्ष रोपन कार्यक्रम गुम्बाको परिसर अनि संग्लग्न क्षेत्रमा विगत वर्ष झैं यस बर्ष पनि सम्पन्न गरियो। प्रति वर्ष पाठशालाका बिद्यार्थीलाई सहभागी बनाई सहयोग पुराएकोमा युवक संघ प्राथमिक पाठशालाका प्रधान शिक्षिका पासांग शेर्पाले गुम्बाप्रति आभार प्रकट गरेको गुम्बाका प्रमुख कथुप लामाले जानकारी गराएका छन्।
