भारतीय गोर्खा प्रजातान्त्रिक मोर्चाको निर्वाचित पञ्चायत समिति सदस्य सिद्धान्त लिम्बु लगायत 75 परिवारले शनिबार इण्डियन गोर्खा जन शक्ति फ्रण्टको झण्डा समाए। तकदाह टिस्टा भ्याली समष्टिको लोवर कम्जेटमा इण्डियन गोर्खा जन शक्ति फ्रण्टको समर्थन सभा सम्पन्न भयो। सभामा पार्टीको केन्द्रीय संयोजक अजय एडवर्डस विशेष रूपमा उपस्थित भएका थिए। त्यसरी नै पार्टीको अन्य केन्द्रीय नेतृत्वहरूको पनि उपस्थिति रहेको थियो।समर्थन सभामा भारतीय गोर्खा प्रजातान्त्रिक मोर्चाको निर्वाचित पंचायत समिति सदस्य सिधान्त लिम्बु लगायत तृणमूल कांग्रेस साथै गोर्खा जन मुक्ति मोर्चाको समर्थकहरूले इण्डियन गोर्खा जन शक्ति फ्रण्टमा आस्था र भरोसा राख्दै पार्टीको झण्डा समाए।पार्टी केन्द्रीय संयोजक अजय एडवर्डसले पार्टीमा न्यानो स्वागत जनाउँदै पार्टीको झण्डा सोम्पिए।
इण्डियन गोर्खा जन शक्ति फ्रण्टको झण्डा समाएपछि निर्वाचित पंचायत समिति सदस्य सिद्धान्त लिम्बुले आजको समर्थन सभामा आफु लगायत 75 परिवारहरूले आईजीजेएफको भिजन र पार्टी केन्द्रीय संयोजक अजय एडवर्डसको इमान्दारितालाई कदर गर्दै हामी सबै आईजीजेएफमा सामेल भएका छौं।भारतीय गोर्खा प्रजातान्त्रिक मोर्चा छोडनु धेरै कारणहरू छन् जो यसरी सार्वजनिक रूपमा भन्न मिल्दैन तर अन्याय,अत्यचार,भष्ट्रचारहरू देख्दा देख्दै पनि हामी चुप लागेर बस्न नसक्दा हामी जनताको सेवा गर्न आइजीजेएफमा सामेल भएको बताए। पहाडमा राजनैतिक पार्टीहरू धेरै छ तर सबैले अजय एडवर्डसको जन सेवा कार्यहरू देखेर हामी सबैले आइजीजेएफमा सामेल हुने निर्णय लिएको लिम्बुले बताए। आइजीजेएफमा समर्थन जनाउने हरू अझ छन् भन्दै आगामी केही दिनभित्रमा उनीहरूले पनि आइजीजेएफमा समर्थन जनाउने निश्चित रहेको उनले बताए।
