खरसाङ, (निसं)ः यूनेस्कोद्वारा मान्यता प्राप्त विश्व धरोहर स्थल दार्जीलिङ हिमालयन रेलवे (डीएचआर) ले मंगलवार ृजापानको टोकियोबाट आएका एकजना प्रतिष्ठित रेल प्रेमी सेइया सुगावारालाई तिनको 36 औँ डीएचआर यात्राको अवसरमा स्वागत अनि अभिनन्दन जनायो।
रेलद्वारा पाइएको जानकारी अनुसार, सुगावाराले प्रथम पल्ट 1971 मा दार्जीलिङ हिमालयन रेलवेको यात्रा गरेका थिए अनि दशकौँदेखि डीएचआरको पारम्परिक स्टीम इञ्जिन अनि नेरो गेज लिकमा कुद्ने ट्रेनले तिनलाई आकर्षण गरिरह्यो। वर्तमानमा तिनी 84 वर्ष पुगिसकेको छन्। सुगावाराको डीएचआर प्रतिको अटुट प्रेमले रेलवेको वैश्विक महत्व र विश्वका यात्रीहरूको यस ट्रेनसंग भावनात्मक लगावलाई प्रमाणिक हपेरो छ।
डीएचआरले यस्ता चिर सम्बन्धलाई धेरै महत्व दिन्छ अनि विश्व भरिका टोय ट्रेन प्रेमी अनि यात्रीहरूको निम्ति डीएचआरले आफ्नो विरासतलाई संरक्षित राख्नको निम्ति प्रतिबद्ध रहेको छ भनी बताइएको छ। यसपालीको यात्रामा सुगावारा आफ्नो 6 जना अन्य जापानी यात्रीहरूसंग आएका छन् अनि यी सबै यात्री वरिष्ठ नागरिक रहेका छन्। डीएचआरको स्टीम इञ्जिन टोय ट्रेनको सेवाको आनन्द संगै सुगावारा अनि तिनको टोलीले विभिन्न स्थानमा फोटा, भिडियो लिनको संगै वृत्तचित्रहरू पनि निर्माण गरिरहेका छन्।
सुगावारा लगायत जापानबाट आएका यात्रीहरूलाई खरसाङस्थित डीएचआरको मुख्यालय एलिसिया प्यालेस भवनमा डीएचआरका निर्देशक ऋषव चौधरीको नेतृत्त्वमा स्वागत पनि जनाइयो।
