राष्ट्रिय गीत ‘वन्दे मातरम’को एक सय पचास वर्ष पुरा भएको अवसरमा आज देशव्यापी विविध कार्यक्रमहरुको आयोजना गरिएको छ। स्वतन्त्रता सेनानीहरुको प्रेरणाको मन्त्र बनेको गीतले ब्रिटिस उपनिवेशवाद विरुद्धको लडाईंमा अहम भूमिका निभाएको थियो। बंकिम चन्द्र च्याटर्जीले लेखेको गीत, उनैको उपन्यास आनन्दमठमा समावेश छ। भारत स्वतन्त्र भएपछि यस गीतलाई राष्ट्रिय गीतको दर्जा दिइएको छ। उक्त गीतको स्मरणमा आज मिरिकमा पनि एक रैलीको आयोजन गरियो। रैली कृष्णनगर परिसरबाट शुरु भएर मिरिक खण्ड विकास कार्यालयसम्म पुगेको थियो। रैलीमा स्थानीयहरुसहित एसएसबीका जवानहरु सहभागी बनेका थिए। रैलीको क्रममा भाजपा नेता राजेन मुखियाले मिडियालाई सम्बोधन गर्दै वर्तमान समयमा गीतको महत्वबारे प्रष्ट पारे। उनले स्वतन्त्रता सेनानीहरुको योगदानलाई स्मरण गर्न अनि जन गणमा गीतको औचित्य बुझाउन रैलीको आयोजना गरिएको जानकारी दिए।
