रंगबुल धोतरिया मुण्ठा समष्टिको 10 परिवारहरूले इण्डियन गोर्खा जनशक्ति फ्रण्टको झण्डा समाएको छ।इण्डियन गोर्खा जनशक्ति फ्रण्टको खरसाङ महकुमा युवा समिति सचिव पेट्रिक राईले रंगबुल धोतरिया मुण्ठा समष्टिको 10 परिवारहरूले आज इण्डियन गोर्खा जनशक्ति फ्रण्टको झण्डा समाएको बताए।तिनले अघि बताए अनुसार अजय एडवर्डसको जन सेवा कार्य र इण्डियन गोर्खा जनशक्ति फ्रण्टको भिजनलाई मन पराउदै यी समर्थकहरू ले इण्डियन गोर्खा जन शक्ति फ्रण्टको झण्डा समाएको हो।यी समर्थकहरूले आईजीजेएफको झण्डा समाएपछि अजय एडवर्डसको भिजनलाई अंगालेर अघि बडने संकल्प लिएको छ।
इण्डियन गोर्खा जनशक्ति फ्रण्ट युवाहरूको सोंच हो।पहाडको युवाहरू एकबद्ध भएर अजय एडवर्डसको भिजनलाई घर घरमा पुराउनु पर्छ।छिमेकी देश नेपालमा अहिले युवाहरूले सरकार बनाएको छ,त्यहाँका प्रधानमंत्री,गृहमंत्री युवाहरू छन् त्यसकारण हामीले त्यहाँबाट शिक्षा लिएर दार्जीलिङको युवाहरू अब जाग्नुपर्छ भन्ने राईले आह्वान गर्यो।
अर्कोतिर यसअघि तकदाह टिष्टा भ्याली समष्टि अन्तर्गत पुबुङ 3 नम्बर क्षेत्रका भारतीय गोर्खा प्रजातान्त्रिक मोर्चाको 11 परिवारहरूले इण्डियन गोर्खा जनशक्ति फ्रण्टमा सामेल भएको छ।इण्डियन गोर्खा जनशक्ति फ्रण्ट तकदाह टिष्टा भ्याली समष्टि अध्यक्ष बेनोर राईले समर्थकहरूलाई खदा लगाउदै पार्टीमा न्यानो स्वागत जनाए।भारतीय गोर्खा प्रजातान्त्रिक मोर्चाबाट इण्डियन गोर्खा जनशक्ति फ्रण्टमा समर्थन जनाउनेहरूमा हिरण राई, सुधार लेप्चा, प्रभात राई, धीरेन मुखिया, प्रशान्त राई, उर्गेन राई, प्रभाश राई, समिल राई आदि सामेल छन।स्मरण रहोस इण्डियन गोर्खा जनशक्ति फ्रण्टले आफ्नो गठनकालदेखि नै माटो पनि नछोडने अनि बाटो पनि नछोडने स्पष्ट बताउदै आइरहेको छ।
माटो भन्नाले अलग राज्य अनि बाटो भन्नाले विकास हो।इण्डियन गोर्खा जनशक्ति फ्रण्ट तथा अजय एडवर्डस कुनै बोर्डमा छैन तर पनि आफ्नो गोजीको पैसा खर्च गरेर गाउँ बस्ती,चिया बगान आदि क्षेत्रहरूमा पुल,सडक आदि जस्ता विषयहरूको निर्माण धमाधम गर्दै आइरहेको छ यी कार्यहरू देखेर आईजीजेएफमा समर्थन जनाउनेहरूको ओइरो लागेको हो। अर्कोतिर पोख्रेबुङ 15 नम्बर समष्टि अन्तर्गत संगमा र टर्जम क्षेत्रबाट 13 परिवारहरूले इण्डियन गोर्खा जन शक्ति फ्रण्टलाई समर्थन जनाएका छन्।पुजा बोनसको समयमा दुख पाएको दिनहरू हामीले भूल्न हुँदैन भन्दै राजीब राईले चिया श्रमिकहरूलाई विगतको स्मरण गराए। समर्थनको कार्यपछि इण्डियन गोर्खा जनशक्ति फ्रण्टको ग्राम पंचायत दुईको कोअर्डिनेटर राजीब राईले दार्जीलिङ पहाडमा अहिले परिवर्तनको लहर चलेको छ। त्यसैकारण आईजीजेएफमा समर्थन जनाउनेहरूको ओइरो लागेको छ। हामी सबै चिया बगानहरूबाट आएका हौ।सालैपछि पुजा बोनसको समयमा हामी सडकमा ओर्लिनु पर्छ,हामीले हाम्रो हक र अधिकार पाउनु पनि सडकमा ओर्लिनु पर्ने बाध्यता छ,अब उसो त्यस्तो गर्न नपरोस भनेर हामी एकबद्ध हुन पर्छ अनि पहाडमा परिवर्तन ल्याउनै पर्छ।
गत वर्ष 2026 को विधानसभा चुनावलाई हेरेर यिनीहरूले 20 प्रतिशत पूजा बोनस दिएको हो।त्यस भन्दा अघिल्लो वर्षको पुजा बोनसहरूलाई हेर्ने हो भने तपाई हामीलाई यिनीहरूले सताउनुसम्म सताएका छन।हामी वर्षभरी खटिएको पुजा बोनस पाउनलाई सडकमा ओर्लिनु परेको थियो,यिनीहरूले हामी चिया श्रमिकहरूलाई सताउनुसम्म सताएको हो।पहाड भष्ट्रचारमा चुर्लुम्म डुबेको छ।अजय एडवर्डसको हातलाई दह्रीलो बनाएर हामीले पहाडमा परिवर्तन ल्याउनै पर्छ।
