मिनरल स्प्रीङ,29 दिसम्बर(निसं): आइतबार लेबोङ-बदमताम समष्टि अन्तर्गत गोलाई बजारदेखि मुर्दाहट्टीसम्मको सडकको मर्मत कार्यको शिलान्यास कार्यक्रम सम्पन्न भयो। यस अवसरमा लेबोङ-बदमताम समष्टिका क्षेत्रीय सभासद् योगेन्द्र प्रधान, वार्ड नम्बर 32 का नगर पार्षद विजय गजमेर, पञ्चायत समित सदस्य अशोक छेत्री, लेबोङ बदमताम समष्टिका महासचिव महेन्द्र राई, प्रमुख सल्लाहकार तारा प्रधान ,वार्ड समिति सभापति महेश गुरुङ लगायत समष्टिका कार्यकर्ताहरु उपस्थित रहेका थिए।गत 18 वर्षसम्म जीर्ण अवस्थामा रहेको उक्त बाटोको निर्माण तथा मरम्मती हुने भएकोले स्थानीय अमृत ग्राम सुधार समितिले खुशी व्यक्त गर्दै सभासद् योगेन्द्र प्रधानप्रति आभार प्रकट गरेका छ्न्।
