खरसाङ, 
(सुवास छेत्री): खरसाङ खण्ड अन्तर्गत जङ्गपाना चियाबारीमा अझ पनि घिर्लिङ्को सहायताद्वारा सिटोङ-महल्दिरामदेखि चियापत्ती ल्याउने कार्य गरिन्छ। प्रायः सय वर्ष पुग्न लागेको यस घिर्लिङले अझ पनि यथावत् रूपमा कार्य गरिरहेको छ। यस घिर्लिङतको देखरेख अनि सञ्चालनमा खटिएका एक श्रमिक दिनेश गुरूङ अनुसार यो घिर्लिङ यहाँ कलकत्ताका एकजना मालिकले महल्दिराम अनि जङ्गपाना चियाबगान किनेपछि यहाँको एकजना गुरूङ बाबुको सहयोगमा यो घिर्लिङ बिछ्याउने कार्य गरिएको हो। यो घिर्लिङ प्रायः अस्सी वर्ष पुग्न लागेको जनाउँदै यसले महल्दिराम-सिटोङ क्षेत्रको चियापत्तीलाई जङ्गपाना ल्याउन धेरै सहज भएको बताए। हाल मेफियर्स कम्पनीद्वारा सञ्चालित यस जङ्गपाना चिया बगान खरसाङ शहरदेखि केही टाढ़ामा रहे तापनि यहाँको भौगोलिक सुन्दरता अनि यहाँ निर्मित रिसोर्टको कारण देशी, विदेशी पर्यटकहरू धेरै मात्रामा आउने गरेको स्थानीयहरूले जनाए। त्यसबाहेक पनि धेरै पुरानो यस घिर्लिङ पनि यस क्षेत्रको निम्ति एउटा आर्कषणको केन्द्रविन्दु बनेकोले यसको दृश्यावलोकन गर्न पनि पर्यटकहरू यहाँ धेरै मात्रामा आउने गरेको बताएका छन्। अहिले महानदीको घुम्ती चियाबारीदेखि जङ्गपना पुग्नको पनि सड़क मार्ग खुबै सुन्दर ढङ्गले निर्माण गरिएको छ। केही ठाउँमा उकालो छ तर अलकत्रे सड़कमा कतै पनि खाल्डाखुल्डी नभकोले गाड़ी सहजै उकालो चढ्न सक्छ। जङ्गपना अहिले पर्यटकहरूको निम्ति निक्कै आर्कषकको केन्द्रविन्दु बनेको छ।
