खरसाङः
खरसाङ्को वार्ड नम्बर 3 स्थित कटलेरी ग्राम सुधार समिति भवनमा पाइन् ऐप्पल स्वयम् निर्भर दलको आयोजनामा नि:शुल्क स्वास्थ्य शिविर सम्पन्न गरियो । शिविरमा मधुमेह रोगको जाँच, रक्तचापको जाँच लगायत विभिन्न रोगहरूले ग्रसित बिरामीहरूको निःशुल्क जाँच गरियो अनि औषधिहरूको वितरण गरियो। वार्ड नम्बर 3 लगायत वरिपरिका क्षेत्रहरूबाट जम्मा 72 जना मानिसहरूले यस स्वास्थ्य शिविरमा आफ्नो स्वास्थ्य जाँच गराएका थिए। स्वथ्य जाँच शिविरको बारेमा बताउदै पाइन ऐप्पल स्वयम् सहायता दलका कोषाध्यक्ष झुमा राणा लेप्चाले बताए अनुसार खरसाङ नगरपालिकाका स्वास्थ्य विभागका डाक्टर एस सिकारी, मेडिकल अधिकारी डाक्टर एस बानिक, औषधालयकी प्रबचाना छेत्री, ल्याब टेकनिशियन सुदीप साहु लगायत आशा कर्मीहरुको उपस्थितमा उक्त स्वास्थ्य शिविर सम्पन्न गरिएको हो। यस स्वास्थ्य शिविरमा वरिष्ठ नागरिक, बाल-बालिका लगायत क्षेत्रका आम नागरिकहरूले आफ्नो स्वास्थ्य जाँच गराए। यस स्वास्थ्य शिविरलाई आयोजना गर्न पाइन एप्पल स्वयम् सहायता दलका सभापति पासाङ तामाङ, प्रमिला थापा, निता रोय, ललिता मुखिया, झुमा राणा लेप्चा, देविका लेप्चा अनि गीता लेप्चाले योगदान पुऱ्याएका थिए। राणाले यसरी दोस्रो पटक वार्ड नम्बर 3 मा स्वास्थ्य शिविर आयोजना गरेर दलले सबैलाई स्वास्थ्य जाँच गराउने मौका दिएको बताउदै वरिष्ठ नागरिक मार्कुस लेप्चाले वार्डवासीको तर्फबाट खरसाङ नगरपालिकाका स्वास्थ्य विभाग, पाईन एप्पल स्वयम् सहायता दलका सदस्यहरू लगायत खरसाङ नगरपालिकाका अध्यक्ष अनि उपाध्यक्षलाई धन्यवाद दिएको बताइन्।
