सिटोङ ३ ग्राम पञ्चायत कार्यलय परिसरमा उक्त जीपी क्षेत्र अधिनस्थ कान्दुङ, लंकु, रोलक, शेल्पु, लोवर अनि अप्पर बडा सिटोङका २१२ जना कृषकहरुलाई आधा केजी गरेर उन्नत प्रजातिको कोदोको बीऊ वितरण गरियो। भारत सरकार र पश्चिम बङ्गाल सरकारको सोयल कर्जर्भेसन अनि हिल डेभलपमेन्ट विभागद्वारा कृषकवर्गलाई विशेष गरेर बडदो जलवायु परिवर्तन नियन्त्रण गर्ने उद्देशयले माटोको प्राकृतिक अवस्था पुनर्जीवित गर्दै कोदोको खेतीप्रति कृषकहरुलाई प्रेरित गराउन यसरी कोदोको बीऊ वितरण गरिएको विभागीय निर्देशक पीएन बस्नेतले बताए ।
