काठमाडौं: नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले प्रगतिशील लेखकहरूले विचारधारात्मक र सांस्कृतिक रूपमा विभाजित वामपन्थी शक्तिहरूलाई एकजुट गर्न नेतृत्वदायी भूमिका खेल्न सक्ने बताएका छन्।
आज प्रगतिशील लेखक संघको नव-निर्वाचित कार्य समिति लाई बधाई दिंदै अध्यक्ष दाहालले वामपन्थी राजनीतिक शक्तिहरूबीच एकताको आवश्यकता औँल्याए।
पूर्वप्रधानमन्त्रीसमेत रहेका दाहालले भने, “माओवादी केन्द्रको केन्द्रीय समितिले वामपन्थी दलहरूबीच एकता कायम गर्ने प्रयासलाई निरन्तरता दिने नीति पारित गरिसकेको छ। विगतमा विभाजित भएका दलहरूबीच एकता असम्भव छ भनेर सोच्नु हुँदैन।”
सोमबार सम्पन्न प्रगतिशील लेखक संघको १३औं महाधिवेशनले देवी दुबोल क्षेत्रीको अध्यक्षतामा नयाँ कार्य समिति निर्वाचित गरेको थियो।
