खरसाङ,
(मोहन प्रसाद): दार्जीलिङ देखि सिलगढ़ी तर्फ गइरहेको एउटा यात्री वाहन खरसाङ महकुमा अन्तर्गत सिमलबारी चियाबारी नजिक खोप्रेल मोड़मा दुघर्टना हुँदा वाहनमा सवार सबै पाँच यात्री घाइते बनेका छन्। गाड़ीधुरा पुलिस आउट पोस्ट मार्फत प्राप्त भएको जानकारी अनुसार, उक्त वाहन दार्जीलिङबाट सिलगढ़ी तर्फ गइरहेको थियो। द्रुत गतिमा कुदिरहेको गाड़ीको सम्भवत ब्रेल फेल भएर दुघर्टना भएको हो। गाड़ी सड़क छोड़ेर सडक किनारको खाल्डामा पल्टियो। वाहन दुघर्टना हुन साथ क्षेत्रमा तैनात पुलिस कर्मी, सेनाका जवान अनि यो सड़मा आउ-जाउ गरिरहेका गाड़ीका चालकहरू साथै मानिसहरूको सहयोगमा सबै पाँच घाइते यात्रीलाई सुकना हेल्थ सेन्टरमा पठाइएयो। घाइते यात्रीहरू मध्ये कतिपय यात्रीहरू आसामका पनि रहेको गाड़ीधुरा पुलिस आउट पोस्टबाट जानकारी पाइएको छ। उक्त दुर्घटना एउटा अघि जान खोज्ने वाहनलाई पास दिने क्रममा ब्रेक फेल भएर नियन्त्रण हराएपछि भएको पनि कतिपयले बताएका छन्। दुर्घटना घटेको समय खरसाङ तर्फ आइरहेका जीटीएको सूचना एवं संस्कृति विभागका कार्यकारी सभासद अनोश थापाले दुर्घटना देखेपछि गाड़ी रोकेर घाइतेहरूलाई सहयोग पुऱ्याएका थिए।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
