काठमाडौँ — सलमान खान अभिनीत नयाँ फिल्म ‘सिकन्दर’ले भारतमा अपेक्षित कमाइ गर्न सकेको छैन । ३० मार्चमा प्रदर्शनमा आएको यो फिल्मले अन्तर्राष्ट्रिय बजारमा भने केही राम्रो व्यापार गर्यो ।
२६ करोडको ओपनिङ कमाइबाट सुरु भएको ‘सिकन्दर’ले भारतमा हालसम्म झण्डै १०४ करोड रुपैयाँ कमाइ गर्यो ।
दोस्रो साताबाट फिल्मको कमाइ ओरालो लाग्दै गयो । दोस्रो सोमबारमा फिल्मले मात्र १.७५ करोड कमायो । फिल्मले विश्वभरबाट २०० करोड रुपैयाँभन्दा बढीको व्यापार गरिसकेको छ । अपेक्षाअनुसार यो सन्तुष्टजनक व्यापार भने हैन । ‘गजनी’जस्ता फिल्म निर्देशन गरेका ए.आर. मुरुगदासले निर्देशन गरेको ‘सिकन्दर’ एक्शन-रोम्यान्स जनराको फिल्म हो ।
फिल्ममा श्रीमतीको मृत्युको बदला लिने पात्रको कथा छ । फिल्ममा श्रीमतीको मृत्युको बदला लिने पात्रको कथा छ । फिल्ममा सलमानको साथै रश्मिका मन्दाना, सत्यराज, काजल अग्रवाल, शरमन जोशी, प्रतीक बब्बर र अंजिनी धवनजस्ता कलाकारहरू मुख्य भूमिकामा छन् ।
