खरसाङ, 
(मोहन प्रसाद)ः खरसाङ्को सन्त जोसेफ कन्या उच्चत्तर माध्यमिक विद्यालयको ब्यागपाइपर ब्याण्डले एक पल्ट पुन: कालेबुङ्को मेला ग्राउण्डमा आयोजना गरिने स्वतन्त्रता दिवसको उपलक्षयमा आयोजित ब्याण्ड प्रतियोगिता आफ्नो प्रस्तुति दिनेे भएको छ। उक्त विषयमा जानकारी दिँदै ब्याण्डलाई नेतृत्व गर्दै कालेबुङ गइरहेकी विद्यालयका शिक्षिका सुदेशना प्रधानले जनाए अनुसार, गत वर्ष पनि सन्त जोसेफ कन्या उच्चत्तर माध्यमिक विद्यालयको ब्यागपाइपर ब्याण्डले कालेबुङ्को मेला ग्राउण्डमा आयोजित प्रतियोगितामा आफ्नो प्रस्तुति राखेको थियो भने यस वर्ष पनि स्वतन्त्रता दिवस समारोह आयोजक कमिटीको पक्षबाट एवं कालेबुङ नगरपालिका प्रशासनिक बोर्डका अध्यक्ष रवि प्रधानद्वारा निमन्त्रणा पाएपछि सन्त जोसेफ कन्या उच्चतर माध्यमिक विद्यालयका ब्यागगपाइपर ब्याण्डका 32 जनाको एउटा टोलीले आज 15 अगस्त स्वन्तत्रता दिवसको दिन सम्पन्न हुने कार्यक्रमको निम्ति कालेबुङ प्रस्थान गरिरहेको छ। तिनले थप जनाए अनुसार, कालेबुङ्मा स्वतन्त्र दिवसको उपलक्ष्यमा तीन दिवसीय भव्य विभिन्न कार्यक्रमको आयोजन हुने गर्छ भने 16 अगस्तको दिन विभिन्न स्कूलका ब्याण्डलाई लिएर एउटा ब्याण्ड प्रतियोगिता पनि हुनेछ। यसै ब्याण्ड प्रतियोगितामा भाग लिनको निम्ति शिक्षिका सन्त जोसेफ विद्यालयको ब्याण्ड टोली कालेबुङ प्रस्थान गरेको हो। शिक्षिकाले 2003 देखि सन्त जोसेफ विद्यालयको ब्याण्ड आरम्भ गरिएको र वर्तमानसम्म विद्यालयको ब्याण्डले विभिन्न कार्यक्रम अनि प्रतियोगिताहरूमा अंशग्रहण गरिसकेको जनाए।
