खरसाङ, 
(निसं): मारवाड़ी युवा मञ्च खरसाङ अर्नवद्वारा एउटा स्वास्थ्य जाँच शिविरको आयोजना खरसाङस्थित पुष्पारानी रोय मेमोरियल उच्चतर माध्यमिक विद्यालयमा गरियो। उक्त शिविरमा जम्मा 2 सय जना विद्यार्थीहरूले आँखा, दाँत सहित सामान्य स्वास्थ्य चिकित्सा जाँच गराए। शिविरमा उपस्थित चिकित्सक वा विशेषज्ञ डाक्टहरूद्वारा विद्यार्थीहरूले आँखा, दाँत अनि अन्य जाँच गरिएको थियो। विषेशज्ञ डाक्टरहरूले कतिपय विद्यार्थीहरूलाई अघिल्लो उपचार गराउने सल्लाह दिए। अघिल्लो उपचार गराए सिलगढ़ीस्थित लायन्स ग्रेटर आई अस्पतालमा गरिएको खण्डमा सहुलित दरमा उपचार गरिने पनि बताइयो। शिविरमा आँखाको जाँच सिलगढ़ीस्थित लायन्स ग्रेटर आई अस्पतालका डाक्टहरूद्वारा गरिएको थियो भने दाँतको जाँच दन्त रोग विशेषज्ञ डा. सिमरन अहमदको शिविरमा उपस्थिति थियो, यस बाहेक डा. प्रसनजीत दासको पनि शिविरमा उपस्थिति रहेको थियो । शिविर संयोजक मञ्चका प्रतिनिधि मानव गोयल थिए। पत्रकारहरू सित बोल्दै मारवाड़ी युवा मञ्च खरसाङ अर्नवका वरिष्ठ प्रतिनिधि आयुष गुप्ताले जनाए अनुसार, मञ्चको स्थापनाकालदेखि नै यस्ता विभिन्न सामाजिक अनि जनहितको कार्यको आयोजन गरिने गरिएको छ भने आउँदो दिनहरूमा पनि यसलाई यथावत् राखिने छ।
