रेल लोकोसेड तर्फको थुनिएको नाली खोल्न पर्ने अनि व्यस्थित गर्न पर्ने माग

खरसाङ, (निसं)ः खरसाङ मोटर स्ट्याण्डदेखि रेल लोकोसेड अनि त्यहाँदेखि धोबी खोला तर्फको नाली खोल्न पर्ने अनि व्यस्थित राख्न पर्ने माग उठिरहेको छ। मोटर स्ट्याण्डदेखि धोबी खोला तर्फ रेलको लिक रहेको स्थानको नाली वर्तमानमा पुरिएको अथवा बन्द भएकोले वर्षाको समयमा भल बाहिर सड़कमा बगिरहेको मानिसहरूको गुनासो छ। मोटर स्ट्याण्डबाट धोबी खोला तर्फ बग्ने भलको निम्ति केही बर रलेको लिक रहेको स्थानमा एउटा कलभर्ट रहेको तर वर्तमानमा उक्त नाली अनि कलभर्ट थुनिएको हुनाले भल सबै बग्न नसक्ने भएकोले त्यहाँबाट बाहिर सड़कमा अनि रेलको लिकै लिक भएर धोबी खोला तर्फ बग्ने गरेको मानिसहरूले बताएका छन्‌‍। ठूलो वर्षाको समयमा भल सड़कै सड़क अनि रेलको लिकै लिक बग्दा समस्याको सामना गर्न परिरहेको पनि मानिसहरूको गुनासो छ। यहाँबाट बगेको भल सड़कै सड़क धोबी खोलासम्म पुग्ने गरेको पनि जनसाधरणको गुनासो छ। वर्षाको समयमा बगेको भल रेलको लिक रहेको स्थानमा जमा भएर बस्ने गरेकोले जमिएको पानीमा लामखुट्टेले आफ्नो लार्भा हुर्काउने सुगम स्थान पाउने भएकोले यसको कारण डेङ्गु, मलेरिया जस्ता बिमारी फैलन सक्ने समेत मानिसहरूको आशंका रहेका छ। यहाँबाट बगेको भल सड़कै सड़क बग्ने गरेको र यो सड़क राष्ट्रिय राजमार्ग 110 अति व्यस्त सड़क रहेकोले गाड़ीको चलाचलमा सड़कमा हिँड़िरहेका मानिसहरू गाड़ीले भल उछिट्याएर भज्ने गरेको बताएका छन्‌‍। सड़क किनार दोकान गरेका कतिपय दोकानेहरूले सड़कमा बगिरहेको भल द्रुत गतिमा चलेको गाड़ीले उछिट्याउदा दोकानसम्म आउने गरेको पनि गुनासो गरेका छन्‌‍। यो समस्याको सामाधानको निम्ति रेलको लिक तर्फ रहेको नाली खोल्न पर्ने, कलभर्टलाई भल बग्न सक्ने बनाउन पर्ने अनि उचित व्यस्थापन गर्न पर्ने जनसाधरणको माग रहेको छ।