सोनादा,28 जून(निसं):
अजम्बरी संघ सार्वजनिक भवन गुराँस डाँड़ा 460 पूल रंगबुलमा दार्जीलिङ पुलिस, जोरबंगलो थाना अनि दार्जीलिङ लिगल सर्भिस अथोरोटीको तत्वधानमा ड्रग्स सेवन, ड्रग्स बेच बिखन, पोक्सोमाथि सचेतनामूलक कार्यक्रम सम्पन्न गरियो। उक्त कार्यक्रम जोरबंगलो थाना प्रभारी निरज राईको अध्यक्षतामा सम्पन्न गरिएको थियो भने प्रमुख अतिथिमा डीएसपी टाउन उज्ज्वल सरकार, सीआई सदर पार्थव सारथी चन्दा, एसआई निरज सुन्दास, ट्राफिक एसआई दिपेन्द्र भुजेल, एसआई विनयकुमार तामाङ, डिस्ट्रिक लिगल सर्भिस अथोरोटिबाट रिटनल लोयर जयन्ती देवान् प्यारा लिगल भोलिन्टयर दुवै रीना राया अनि जोशिका राईले जनचेतनामूलक कुराहरू राखेका थिए। उक्त कार्यक्रममा 11 वटा समाजका सभापति, सचिवहरू रंगबुल फुटबल एकेडमी, युनाइटेड रंगबुल फुटबल क्लब, रंगबुल ग्राम पञ्चायत सदस्यहरू, हाम्रो प्यारो रंगबुल सोसियल मिडिया, विद्यार्थीहरूको उपस्थिति रहेको थियो। उक्त कार्यक्रमलाई शिक्षक सेरेप छिरीङ लेप्चाले सञ्चालन गरेका थिए भनी सुवास ठकुरीले जानकारी गराएका छन्।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
