अष्टमी पुजाको अवसारमा आर्य तारा गुम्बा सिमाना अनि सम्पूर्ण गाउँवासीको आयोजनामा सिमाना बजारमा अष्टमी पुजा, ११औं बौद्ध धर्मगुरू अवतारी कृति रिम्पोर्छेको तीन अवतारी तेन्पा राबगेको मूर्ति अनि काङग्युर पोस्तक परिक्रमा गरियो। बौद्ध धर्म गुरु, लामाहरु साथै सिमाना, सुके संगलग्न क्षेत्रका बौद्ध धर्मावलम्बी, स्थाननीय नागरिकहरूको व्यापक उपस्थिति र धर्म गुरुहरुको अगुवाइमा सिमाना बजार पोस्तक परिक्रमा सगै आर्य तारा गुम्बामा विधिवत पुजा अर्चना समपन्न गरियो। सुके कृति टाशी छौलिङ गुम्बाबाट प्रदान गरिएको तेन्पा राबगेको मूर्ति सुकेपोखरी बजार अनि सिमाना बजारमा परिक्रमा गरे पश्चात सिमाना तारा मन्दिरमा विधिवत पुजा पाठ गरेर स्थापनापश्चात वाङ वितरण गरियो। कार्यक्रममा जौरबंडलो सुकेपोखरी पन्चायत समिति सभापति सोना डोमा वाडदी डुक्पा, खण्ड बिकास अधिकारी आर्ध गुह, पन्चायत समिति कर्माअध्यक्ष निमा भोटिया, सुकेपोखरी ट्राफिक इनचार्ज पेम्बा भोटिया, पशुपति पुलिस आउट पोस्ट अधिकारी फुर्बा तामाड, सुकेपोखरी थाना एसआई स्मिता राई, एस एस बी सिमाना बिओपीका अधिकारी लगायत अन्यको अपस्थितिमा कार्यक्रम सम्पन्न गरियो। कार्यक्रमको आयोजक समितिले सम्पन्न पुजा पाठमा सहयोग पुराउने महानुभाव, विभागीय अधिकारी अनि सहभागी भक्तजन, स्वंयसेवक सबैलाई धन्यवाद ज्ञापन गरेको लाक्पा छिरिङ शेर्पाले जानकारी दिएका छन्।
