पङ्खाबारी, 
24 जुलाई (निस)ः दार्जीलिङ्को एउटा फेसबुक पेजका एडमिन जयन्त हल्दारले भारतीय गोर्खा प्रजातान्त्रिक मोर्चा रोहिणी ब्लकका सचिव उत्तम मुखिया अनि सगस्य शरण प्रधानलाई तिनीहरूको कुना सल्लाह अनि अनुमति नलिइ उनको फेसबुक पेजमा बीआरजेडी (राष्ट्रिय जनता भाजपा) को प्रतिनिधि भन्दै शरण प्रधान खरसाङ विधानसभा अध्यक्ष अनि उत्तम मुखियालाई दार्जीलिङ श्रमिक मोर्चा एडमिन भनी पोस्ट गरेको सन्दर्भमा भागोप्रमोका दुवै प्रतिनिधिहरूले आपत्ति जनाउँदै उक्त पोस्टलाई झट्ट हटाउने अन्यथा उक्त पेजका एडमिन जयन्त हल्दारमाथि कानुनी कार्वाही गर्ने चेताउनी दिएका छन्। तिनीहरूले पत्रकारहरूलाई यसबारे अवगत गराउँदै उक्त फेसबुक पेजका एडमिन हल्दारले कुन उद्देश्य अनि कसको कुरामा तिनीहरूको नाम उनको पेजमा प्रयोग गरे भन्ने कुराको खुलासा गर्नुपर्ने बताउँदै उनको त्यो दावी अनि पोस्ट पूर्ण रुपले भ्रामक अनि मिथ्या रहेको बताएका छन्। पार्टीका दुइ प्रतिनिधिहरूसँग रोहिणी ब्लक अध्यक्ष दिपक तामाङ, बिसान गोले, रोहिणी नारी शक्ति प्रतिनिधि तथा ग्राम पञ्चायत प्रधान सुष्मा वाइबा राई आदि पनि उपस्थित थिए।
