खरसाङ, 28 जून (निसं)ः गोरामुमो मङ्पु – लाठपपञ्चार समष्टि अन्तर्गत सिटोङ २ बाउखोलामा काजी राईको अध्यक्षतामा पार्टीको एक सांङ्ठनिक सभा सम्पन्न भयो । सभामा गोरामुमो अध्यक्ष मन घिसिङको निर्देश अनुसार भिलेज कमिटी गठन गर्नु पर्ने विषयमा चर्चा गरियो ।समष्टि अध्यक्ष केबी गुरुङले सभालाई जानकारी गराउँदै भने, २००५ मा भारत सरकार, राज्य सरकार अनि गोरामुमो संस्थापक अध्यक्ष सुवास घिसिङ माझ त्रिपक्षीय सम्झौता भएपछि भारतमा बस्ने गोर्खाहरू र गोर्खा भूमिलाई संवैधानिक छटौँ अनुसूची अन्तर्गत ल्याउनको निम्ति एउटा ब्यवस्थामा हस्ताक्षर भएको थियो । तर कतिपय कारणहरुले गर्दा छैटौँ अनुसूची लागू हुन नसेकेपछि आजसम्म पनि गोर्खाहरूको निम्ति छैटौँ अनुसूची लागू हुन सकेको छैन । तथापि आज आएर छैटौँ अनुसूची जस्तो ब्यवस्था लागू गराउनको निम्ति प्रत्येक क्षेत्रमा भिलेज कमिटी गठन गर्नु पर्ने आवश्यकता रहेको छ। सभामा व्यापक छलफलपछि बाउखोला भिलेज कमिटी गठन गर्ने प्रस्ताव पारित गरियो। पार्टीका मिडिया प्रभारी दिनेस साम्पाङले जानकारी दिए अनुसार सभामा सर्वसम्मतिले काजी राईलाई भिलेज चिफ चयन गरियो । यसैगरी उप– भिलेज चिफ निमा तामाङ, कोषाध्यक्ष विकास राई, स्टोर किपर केएल राई, अडिटर पाण्डु राई, प्रमुख सल्लाहकारहरू रतन प्रधान अनि सन्तवीरलाई चयन गरिएकाे छ। भिलेज कमिटीमा 15 जना प्रमुख कार्यकारिणीहरू सदस्यहररू पनि चयन भएका छन् । नवगठित भिलेज कमिटी अनि यसका प्रतिनिधिवर्गलाईसमष्टिका नेतृत्ववर्गद्वारा खदा लगाएर बधाई अनि शुभकामना दिइयो भने पार्टीको सिद्धान्त अनि अनुशासनमा रहेर संगठनको विस्तार कार्यलाई अघि बढ़ाउने दिशा निर्देश पनि सभामा जारी गरियो । समष्टि अध्यक्ष केबी गुरुङले थप जानकारी गराए अनुसार अब समष्टिमा तीब्र गतिमा भिलेज कमिटी गठन गर्ने साथै सांङ्ठनिक विस्तारलाई पनि अघि बड़ाइने 
छ ।
