खरसाङ, 14 जुलाई (निसं):
खरसाङ फुटबल एसोसिएसन अनि युवा एवं खेल मामिला विभाग जीटीएको संयुक्त तत्वावधानमा आयोजित खरसाङ सुपर लीग फुटबल टुर्नामेन्टको नवौँ दिनको खेल सम्पन्न भयो। खरसाङ शहरदेखि 4 किलो मिटरको दुरीमा अवस्थित गोथल्स मेमोरियल स्कूलको खेल मैदानमा सम्पन्न भइरहेको यस टुर्नामेन्टको सोमवार सम्पन्न नवौँ दिनको खेल मकैबारी युनाइटेड अऩि खरसाङ भेटरेनमाझ सम्पन्न भयो। यस खेलमा मकैबारी युनाइटेड एफसीका युवा खेलाड़ीहरूले खरसाङ भेटरेनका खेलाड़ीहरूलाई कुनै मौका दिएनन्। खरसाङ भेटरेनका खेलाड़ीहरूले खेलको अवधिमा धेरै प्रयास गरे तापनि मकैबारी युनाइटेडका खेलाड़ीहरूलाई तिनीहरूको प्रयासलाई विफल तुल्याइदिए। यस खेलमा मकैबारी युनाइटेडका खेलाड़ीहरूले 3 गोल गरे भने खरसाङ भेटरेनका खेलाड़ीहरूले कुनै गोल गर्न सकेनन्। यस प्रकार नवौँ दिनमा सम्पन्न भएको च्याम्पियन डिविजन अन्तर्गतको यो लीग म्याच मकैबारी युनाइटेडले शुन्यको विरुद्ध 3 गोलले जितेको छ। यस खेलको सञ्चालन हिल्स रेफेरीस एसोसिएसनका रेफेरीहरू नितेश देवान, अरविन्द छेत्री, सुरेश ओरानले गरेका थिए भने फोर्थ अफिसियलमा सञ्जय थापा अनि प्रतीक गुरुङ रहेका थिए।
