दार्जीलिङ,16 नोभेम्बर(निसं): भारतीय जनता पार्टी(भाजपा) दार्जीलिङ जिल्ला समिति महासचिव सुजेन्द्र राईले एक प्रेस विज्ञप्ति जारी गर्दै भनेका छन्,जीटीए(गोर्खाल्याण्ड टेरिटोरियल एड्मिनिट्र्सन)- मा कुनै पनि विकासको काममा वर्क डन सिस्टम अविलम्ब बन्द हुनुपर्छ। गोर्खाल्याण्ड टेरिटोरियल एड्मिनिट्र्सन-ले वर्क डन सिस्टम अविलम्ब बन्द गर्नुपर्छ। यस्तो प्रथाले कुनै सरकारी योजना गुणस्तरीय छैन। ठेकादारहरुले पनि वाध्यताले यस्ता काम गर्नु परिरहेको र कामको गुणस्तर नरहेको व्यापक जनगुनासो छ। वास्तवमा सिस्टम विना गरिएको यस्ता योजनाहरु सबै जनताको आँखा छल्ने प्रयास मात्रै हुन्। उनले भनेका छन्, यस्ता कामहरुका कारणले न त ठेकादारहरुलाई ढुक्कपन छ। न त कुनै काम गुणस्तरीय छ। यसप्रकारको सिस्टम-ले भ्रष्टाचार मात्रै बडिरहेकोछ। अब ठेकादारहरु पनि होशियार बसुन्। सत्ताको गुलाम हुने चरित्र बन्द गरुन्। जीटीए क्षेत्रका जनताले पनि बिकाशको सवालमा यस्तो अवैधानिक र सिस्टम बिनाको कामहरु गराउनु हुँदैन भन्ने पक्षमा होशियार हुनुपर्छ।राईले भनेका छन्, हालमा यस्तो वर्क डन मार्फत गरिएको कामहरुका जिटीएलाई बक्यौता राशी झण्डै 2 सय 50 करोड पुगेको छ। यो बक्यौता राशी जीटीएको लागि क्यान्सर नै भएकोछ। भोलिको दिनमा यो बक्यौता राशी कसले कसरी र किन समाधान गर्छ ? जसले काम दियो, उनीहरू पद मुक्त भइसकेका हुनेछन्।घाँटीमा पासो झै हुनेछ। सरकारले जिटीएलाई फण्ड प्रदान नगरी गरिएको यस्ता कामहरूका वास्तविक वैध्यता हुँदैन। जिटीएमा राज्य सरकारको उदासीनताको कारण आवश्यकता बमोजिम पर्याप्त फण्ड दिँदैनन्।जसको कारणले जिटीएका ठेकादारहरु सबै रुनु न हाँस्नु पर्ने स्थितिमा रहेको प्रचुर हल्ला छन्।
जीटीए-लाई बक्यौता बडाउँदै सिस्टम-लाई ताकमा राखेर गरिने यस्ता अवैधानिक योजनाहरु अविलम्ब बन्द हुनुपर्छ। पहाडबाट यस्तो प्रथा नै हटाउनुपर्छ। जनताको निम्ति उपयुुक्त हुनेछ, राईले थपे।
