अखिल भारतीय नेपाली अनुसूचित जाति संघ केन्द्रीय समितिकाे सभा मिरिक युवा आवासमा आइतबार सम्पन्न भयाे।
संघकाे मिरिक महकुमा समितिकाे तत्वावधानमा आयाेजित सभाकाे अध्यक्षता केन्द्रीय अध्यक्ष बुद्धबीर सार्कीले गरेका थिए। सभामा कार्यकारी अध्यक्ष संजीव माेथे, महासचिव रिमेस माेथे, प्रवक्ता सीके लाेहार , केन्द्रीय सहसचिव उमेस ताेलाङ्गी, उपाध्यक्ष सत्येन वरदेवा, हिमाल विश्व, तारा घिमिरे आदि उपस्थित थिए।
केन्द्रीय साँगठनिक सचिव उज्ज्वल मङ्ग्रातीले संचालन गरेकाे सभाले जीटीए क्षेत्रमा आरक्षणकाे लागि 19 सेप्टेम्बर -2022 मा जीटीए सभामा प्रस्ताव पारित भए पनि हालसम्म कार्यनवयन हुन नसकेकाे जानकारी गराइयो। जसकाे लागि संगठनका केन्द्रीय टाेलीले चाँडै जीटीए मुख्य कार्यपाल अनित थापासित भेटवार्ता गर्ने निर्णय गरेकाे संघका प्रवक्ता सीके लाेहारले बताए।
