सोनादा, 5 जुलाई (निसं)ः
रंगबुल उच्च माध्यमिक विद्यालय सन् 1999 मा निम्न उच्चको सरकारी मान्यता प्राप्त गरेपछि 2011 मा उच्च माध्यमिकको सरकारी मान्यता प्राप्त गरेको थियो। यस वर्ष 2025 मा यो विद्यालयले उच्चत्तर माध्यमिक विद्यालयको सरकारी मान्यता प्राप्त गरेको जानकारी प्राप्त भएको छ। यस विषयमा रंगबुल उच्चत्तर माध्यमिक विद्यालयका प्रधानाध्यापक हरिश कमल लिम्बूले उक्त मान्यता प्राप्त गराउन सहयोग गर्ने सबैप्रति आभार प्रकट गरेका छन्। उनले विशेष गरेर क्षेत्रीय सभासद एवं जीटीएका डेपुटी चेयरम्यान राजेस चौहान, स्कूल डीआई तपशकुमार विश्वास, स्कूल एआई प्रदीप सुब्बा, एआई दालखी शेर्पा, एआई त्रिनेशा लामा लगायत सम्पूर्ण शिक्षक-शिक्षिका, अभिभावक अनि विद्यार्थीहरूलाई धन्यवाद दिएका छन्।
