जापानको उत्तरपूर्वी भागमा सोबार राति आएको ७.६ म्याग्निच्युडको शक्तिशाली भूकम्पले कम्तीमा ३० जनालाई घाइते पारेको छ । ठूलो डढेलोझैं हल्लिएको यो कम्पनपछि ठूलो संख्यामा स्थानीय बासिन्दा आफ्नो घर छोडेर सुरक्षित स्थानतर्फ जान बाध्य भएका छन् ।
जापानको मौसम विज्ञान एजेन्सीका अनुसार भूकम्प स्थानीय समयानुसार राति ११:१५ बजे महसुस गरिएको थियो । यसको केन्द्र आओमोरी क्षेत्रको तटदेखि करिब ८० किलोमिटर टाढा समुद्रभित्र, करिब ५० किलोमिटर गहिराइमा रहेको बताइएको छ ।
कम्पनपछि प्रारम्भिक रूपमा सुनामी चेतावनी जारी गरिएको थियो, जुन पछि हटाइएको छ । तर पनि तटीय क्षेत्रमा करिब ७० सेन्टिमिटर उचाइको लहर देखिएको पुष्टि छ । भूकम्पका कारण केही रेल सेवा रोकिएका छन् भने धेरै क्षेत्रमा विद्युत् आपूर्ति समेत अवरुद्ध भएको रिपोर्टहरू आएका छन् । अधिकारीहरूले आगामी दिनहरूमा थप झट्का आउने सम्भावना भन्दै कम्तीमा एक हप्तासम्म सतर्क रहन परामर्श दिएका छन् ।
प्रधानमन्त्री सनाई तकाइचीले नागरिकलाई तयारी मजबुत बनाउने आग्रह गर्दै भनिन्, “कुनै पनि झट्का महसुस भएमा तुरुन्तै सुरक्षित स्थानतर्फ निस्किन सजग रहनुहोस्।” रोयटर्सका अनुसार करिब ९० हजार मानिसलाई घर छोड्न निर्देशन दिइएको छ ।
