गोर्खा जनपुस्तकालय खरसाङको आयोजनामा नेपाली भाषा मान्यता दिवस समारोह साथै सम्मान् विभिन्न पुरस्कार अलङ्करण समारोह सम्पन्न भएको छ। उक्त समारोहको अध्यक्षता पुस्तकालयको अध्यक्ष रबीनकुमार प्रधानको अध्यक्षता र खरसाङ महाविद्यालयको प्राध्यापक एवं वरिष्ठ साहित्यकार डा. योगेस खातीको प्रमुख आतिथ्यतामा सम्पन्न भएको थियो। कार्यक्रममा विशिष्ट अतिथिको रुपमा खरसाङ नगरपालिकाको चेयरम्यान ब्रिगेन गुरुङ, भाइस चेयरम्यान सुवास प्रधान र पूर्व चेयरम्यान समीरदिप ब्लोन उपस्थित रहेका थिए। शिक्षिका गोमा सुब्बाले सञ्चालन गरेकी कार्यक्रममा स्वागत सम्भाषण पुस्तकालयको सचिव विनोद रसाइलीले राखेका थिए। कार्यक्रममा समर्पित भाषा शिक्षक सम्मान सन्त जोसेफ कन्या उच्चत्तर माध्यमिक विद्यालयकी नेपाली भाषाकी शिक्षिका मिना लामा राईलाई प्रदान गरिएको छ। यसै कार्यक्रममा कवि गोष्ठी पनि सम्पन्न भएको थियो, जसमा कविहरु क्रमैले महेन्द्र स्याङ्बो, बालकृष्ण थामी, प्रभात राई चिसो, प्रियंका देवान, द्वारिका छेत्री, मन्दिरा रावत र प्रदीप शेर्पाले कविता वाचन गरेका थिए। कार्यक्रममा भाषा र भाषाको अवस्थामाथि निरज थापाले वार्ता प्रस्तुत गरेका थिए।
अमेरिकामा बेचिएका धेरै आइफोन भारत निर्मित
admin
August 2, 2025
