राष्ट्रिय रामार्ग 110 भइसकेको भए तापनि राष्ट्रिय मार्गमा लगाइएको पुराना साईन बोर्डहरू परिवर्तना गर्ने कार्य अझसम्म भएको छैन

खरसाङ, (निसं)ः राष्ट्रिय राजमार्ग 55 निकै अघि राष्ट्रिय रामार्ग 110 भइसकेको भए तापनि राष्ट्रिय मार्गमा लगाइएको पुराना साईन बोर्डहरू परिवर्तना गर्ने कार्य अझसम्म भएको छैन। यसैले साधरण मानिस अनि पर्यटकहरू अन्योलमा छन्‌‍। कतिपय साधरण मानिसहरूले राष्ट्रिय राजमार्ग 55 110 भएको विषयलाई अहिलेसम्म थाहा नपाएको बताएका छन्‌‍ भने कतिपयले यो विषयलाई पत्यार दिएका पनि छैनन्‌‍। हिलकार्ट रोड त्यसपछि तेञ्जिङ नोर्गे पथ सिलगढ़ीदेखि दार्जीलिङसम्मको लगभग 76 किलो मिटर लामो यो सड़क 1986 को आन्दोलनपछि दागोपाप कालमा गोरामुमो नेता सुवास घिसिङ्को मागपछि राष्ट्रिय राजमार्ग 55 भएको हो। यो सड़क अहिले राष्ट्रिय राजमार्ग 110 भइसकेको छ भने केही महिना अघिदेखि सांसद राजु विष्टको प्रयासमा यो मार्ग पश्चिम बंगालको पीडब्लुडी विभागको राष्ट्रिय राजमार्ग विभागबाट राष्ट्रिय राजमार्ग एवं अवसंरचना विकास निगम लिमिटेडको अधिनमा गएको छ। तथापि यस रोडको विभिन्न स्थानमा लेखिएको राष्ट्रिय राजमार्ग 55 को साईन बोर्डलाई अझसम्म बद्ली गरिने काम भएको छैन। धेरैले अझ पनि यो सड़कलाई राष्ट्रिय राजमार्ग 55 नै ठान्ने अनि भन्ने गरेका छन्‌‍। कतिपय संघ-संस्था अनि व्यक्तिहरूले निवेदन अथवा विज्ञप्ति लेख्दा अझ पनि राष्ट्रिय राजमार्ग 55 नै लेख्ने गरेका छन्‌‍। खरसाङ्को एउटा धार्मिक अनि सामाजिक संगठनका प्रतिनिधिलाई यो सड़क अहिले राष्ट्रिय राजमार्ग 110 भएको छ भनी अवगत गराउँदा आश्चर्च प्रकट गर्दै अहिलेसम्म आफूले राष्ट्रिय राजमार्ग 55 नै हो भन्ने ठानेर विज्ञप्तिमा पनि राष्ट्रिय राजमार्ग 55 नै लेखेको बताए। यसरी सड़क राष्ट्रिय राजमार्ग 55 बाट राष्ट्रिय राजमार्ग 110 भएको भए सूचनाहरू प्रकाशित गर्न पर्ने हो। सड़कको ठाउँ-ठाउँमा लेखिएको बोर्डहरू परिवर्तन गर्नु पर्ने हो तर अहिलेसम्म त्यस्तो कहीँ देखिएको छैन। यसैले हामी जस्ता सर्वसाधरण यस विषयमा कसरी अवगत हुने? खरसाङ घुम्न आएका कतिपय पर्यटकहरूले पनि यो सड़कलाई राष्ट्रिय राजमार्ग 55 नै भन्ने गरेका पाइएको छ। खरसाङ आएका कतिपय पर्यटकले आफूहरू रोहिणी रोड बन्द भएकोले राष्ट्रिय राजमार्ग 55 हुँदै खरसाङ आइपुगेको बताएका छन्‌‍। राष्ट्रिय राजमार्ग 55 राष्ट्रिय राजमार्ग 110 भएको कुरो जानकारी नरहेको अझ पनि कतिपयले बताउने गरेका छन्‌‍। हिमालय दर्पणको जनसाधरण अनि पर्यटकहरूको अन्योलतालाई प्रकाशमा ल्याइसकेको भए तापनि अझसम्म यस मार्गमा लगाइएका पुरानो साईन बोर्ड परिवर्तन गर्ने काम गरिएको छैन। अघिको राष्ट्रिय राजमार्ग 55 र वर्तमानको राष्ट्रिय राजमार्ग 110 मा लगाईएका यस्ता साईन बोर्डहरू परिवर्तन गर्नु पर्ने आवश्यकता देखिएको छ।