शहीद निरञ्जन सिंहको १३४औं बलिदान दिवस

भारतीय स्वतन्त्रता सेनानी एवं वीर गोर्खा शहीद सुवेदार निरञ्जन सिंह छेत्रीको १३४औं बलिदान दिवस नयाँ दिल्लीको मुनिरकामा गोर्खाल्याण्ड संयुक्त संघर्ष समितिद्वारा पालन गरियो भनी दिल्लीबाट गोर्खाल्याण्ड संयुक्त संघर्ष समितिका राज गुरुङले जानकारी गराएका छन्। गुरुङले बताएअनुसार,
उत्तम छेत्रीको अध्यक्षतामा सम्पन्न बलिदान दिवसमा शहीद सुवेदार निरञ्जन सिंह सिंह छेत्रीको देशप्रतिको बलिदानको स्मरण गर्दै उनको तस्वीरमा दीप प्रज्जवलन, माल्यार्पण गर्दै श्रद्धाञ्जलि चढ़ाइयो। बलिदान दिवसको अवसरमा नै गोर्खाल्याण्ड आन्दोलनमा आफ्नो जीवन उत्सर्ग गर्ने वीर शहीदहरुप्रति पनि स्मरण गर्दै
श्रद्धाञ्जलि अर्पण गरियो साथै स्थानीय नागरिकहरूलाई सर्बत वितरण गरियो। कार्यक्रमको अवसरमा जीएसएसएस-का अन्य पदाधिकारीहरूमा पुकार गुरुङ, दावा शेर्पा, मनिका तामाङ, विरेन सिंह अनि रञ्जु परियारको पनि उपस्थिति रहेको जानकारी दिल्लीबाट राज गुरुङले दिएका छन्।