सलोमी खातीले जितिन् किकबक्सिङमा काँस्य पदक

कालेबुङ जिल्लाकी प्रतिभाशाली किक बक्सर सलोमी खातीले हालै उज्बेकिस्तानको तास्केन्टमा आयोजित विश्वकप किकबक्सिङ च्याम्पियनसिप (७ देखि १२ अक्टोबर २०२५) मा सहभागिता जनाउँदै काँस्य पदक जित्दै स्वदेश फर्किएकी छन्। खातीले बताइन् यस प्रतियोगितामा ४० देशका खेलाडीहरूले भाग लिएका थिए भने भारतबाट १४ जना खेलाडीहरू सहभागी भएका थिए। समग्रमा भारतले छैटौँ स्थान हासिल गरेको थियो, जसमा ९ स्वर्ण, ४ रजत र १ काँस्य पदक प्राप्त गर्न सफल भएको बताइन्।
पश्चिम बङ्गालबाट दुई जना मात्र खेलाडीहरूले भारतको प्रतिनिधित्व गरेका थिए — जसमा उनी एक थिइन् भने जल्पाइगुडीकी एक खेलाडी। सलोमीले रिङ फाइट क्याटेगोरीमा प्रतिस्पर्धा गर्दै तेस्रो स्थान हासिल गरी काँस्य पदक जितेकी हुन्।
कालेबुङका प्रहरी अधीक्षक हरी पाण्डे (IPS) तथा जिल्ला प्रहरी टोलीले आफ्नो यात्रामा ठूलो सहयोग र हौसला प्रदान गरेको आभार प्रकट गरिन्।