जुबिली स्कूलको भलिबल टोली कोलकाता प्रस्थान

कालेबुङ जिल्लाको जुबिली हायर सेकेन्डेरी स्कूलको भलिबल टोली राज्यस्तरीय प्रतियोगितामा भाग लिन कोलकाता प्रस्थान गरिरहेको छ। स्मरण रहोस्, गत
24 जुलाईमा कालेबुङ जिल्लाको 17 वटा स्कूलहरूको बीचमा भएको गर्ल्स भलिबलमा जुबिली हायर सेकेन्डेरी स्कूलले जितेर राज्यस्तरीय प्रतियोगितामा प्रवेश गरेको थियो। त्यसैक्रममा यो टोली कोलकाताको लागि प्रस्थान गरिरहेको हो। यो टोलीले आगामी 16, 17 अनि 18 अक्टुबरमा हुने प्रतियोगितामा सहभागिता जनाउनेछन्।
उक्त टोलीलाई प्रशिक्षक तुसार थापा, शिक्षिकागण क्रमैले सुष्मा थापा, सोनाम युडेन भोटिया लगायत अजय प्रधान रहेका छन्। यो टोलीलाई स्कुल म्यानेजिङ्ग कमिटीका प्रमुख बिनय घिसिङ, स्कूलकी प्रधानाचार्यलगायत सम्पूर्ण स्कूल परिवारले टोलीलाई शुभकामना दिएको चन्द्रकला राईले जानकारी दिएकी छिन्।