गोरखा राष्ट्रिय मुक्ति मोर्चाको खरसाङ शाखा समिति अन्तर्गतको लङभ्यू चियाबारी तराई–३४ गाउँपालिकामा गोर्खा राष्ट्रिय मुक्ति मोर्चा र गोरखा राष्ट्रिय महिला सङ्गठन (गोरनास) को संयुक्त सांगठनिक बैठक उत्साहपूर्ण वातावरणमा सम्पन्न भएको छ । सुबोध पाखरिनको अध्यक्षतामा भएको बैठकमा कम्प्लेक्सका संयोजक वीरेन्द्र क्षेत्रीको विशेष उपस्थिति रहेको थियो । बैठकमा संगठन सुदृढीकरण, शाखा विस्तार र समसामयिक राजनीतिक अवस्थाका विषयमा विस्तृत छलफल भएको पार्टी मिडिया सेलका इन्चार्ज दिनेश साम्पाङले जानकारी दिए ।
बैठकपछि जारी विज्ञप्तिमा समष्टी गोराणासाँकीकी उपाध्यक्ष चन्द्रकला पाखरिनले समस्या समाधान नभएसम्म गोरामुमोले संघर्ष जारी राख्ने र संस्थाप्रतिको आफ्नो प्रतिबद्धता अटल रहने स्पष्ट पारे । उनले भनिन्, “हामी यहाँ बलियो भएर उभिरहेका छौं र अन्तिम क्षणसम्म गोरामुमोलाई छोड्ने छैनौं, अब संगठनलाई थप मजबुत बनाएर अगाडि बढ्ने बेला आएको छ।” युवाहरुलाई सम्बोधन गर्दै उनले बारम्बार दल परिवर्तन गर्ने प्रवृत्तिले समाज र भावी पुस्ताको भविष्य निर्माण नहुने बताइन् । उनले जातीय पहिचान, पहिचान र माटोको रक्षाका लागि युवाहरु सचेत भई सही निर्णय लिएर अगाडि आउनु पर्नेमा जोड दिए ।
बजारमा विभिन्न किसिमका भ्रम र अफवाह फैलिए पनि सत्य र अधिकारको पक्षमा दृढ भएर उभिनुपर्ने बताउँदै उनले वर्तमान अवसर गुमाए भविष्यमा पछुताउनु पर्ने चेतावनी समेत दिइन् । भेटमा हिमालयन प्लान्टेसन मजदुर युनियन (एचपीडब्लु) लङभ्यु शाखाकी सदस्य मीना लामा, गोरायुमोका बादल राई, गोराना साँकाका सदस्य तथा गोरायुमो तराई क्षेत्रका कार्यकर्ता तथा समर्थकहरुको बाक्लो उपस्थिति रहेको थियो ।
सभाले संगठनलाई तल्लो तहसम्म विस्तार गर्दै थप मजबुत बनाउने प्रतिबद्धता व्यक्त गरेको छ ।
