गोरखा विश्वकर्मा कामी युथ ट्रस्टद्वारा श्री विश्वकर्मा पूजा

दिल्लीमा सञ्चालित गोरखा विश्वकर्मा कामी युथ ट्रस्टद्वारा श्री विश्वकर्मा पूजाको आयोजन तेस्रो पल्ट मुनिरका बाल्मीकि मन्दिर प्राङ्गणमा गरिएको थियो। धनराज प्रजाको कोरीओग्राफीमा समूह गणेश वन्दनामा अति सुन्दर नृत्य प्रस्तुति गारियो। दिल्लीका सबै संघ संस्थाबाट उपस्थित भई विश्वकर्मा पूजाको आशीर्वाद साथ प्रसाद ग्रहण गरेका थिए। यहीक्रममा श्री विश्वकर्मा समुदायको आफ्नो भेष भूषालाई प्राथमिकता दिन “हाम्रो स्वाभिमान ट्रस्ट”का ट्रस्टी प्रेम छेत्रीले हामीले आफ्नो संस्कृति आफ्नो भेषभूषालाई पहिलो प्राथमिकता दिने कुरामा जोड दिए। यसरी नै “कर्म भूमि समाज”का अध्यक्ष राजू शंकारले पनि पूजामा उपस्थिति दिएका थिए। गोरखा विश्वकर्मा कामी युथ ट्रस्टको प्रमुख सलाहकार युगीन खातीले 3 सालदेखि निरन्तर श्री विश्वकर्मा भगवानको प्रतिमा ट्रस्टलाई प्रदान गरेकोमा समामान जनाइयो। नृत्य प्रस्तुत गर्ने नानीहरुलाई प्रमाण-पत्र अनि पारितोषिक प्रदान गरिएको थियो। कार्यक्रम सफल बनाउने अमित धमला र अन्य ट्रस्टको परिवारलाई धन्यवाद ज्ञापन गरिएको ट्रस्टका अध्यक्ष किरण रसाईंलीले जानकारी दिएका छन्।