अब चाँढै खुशीको खबर सुन्न पाउँ: गोरामुमो अध्यक्ष घिसिङ

गोर्खा राष्ट्रिय मुक्ति मोर्चा संस्थापक अध्यक्ष सुबास घिसिङले आजकै दिन समस्त गोर्खा जातिको उन्मुक्तिको निम्ति टिस्टा भेल्ली सजनी डाँडामा अवस्थित दुर्गा मन्दिरमा पुजा अर्चना गरि गोर्खाल्याण्ड आन्दोलनको शंखघोष गरि गोर्खाल्याण्ड राज्य प्राप्तिको निम्ति बृहत जनाअन्दोलनको शुरूवात गरेका थिए । गोर्खा राष्ट्रिय मुक्ति मोर्चाले यस दिनलाई गोर्खाल्याण्ड जनजागरण दिवसको रूपमा पालन गर्दै आएको छ। यसैक्रममा आज गोर्खा जातिको गोर्खा जातिको उन्मुक्तिको गोरामुमोद्वारा गोर्खाल्याण्ड जनजागरण दिवसको अवसरमा माटो अनि भूमिको पूजा गरेका छन्। गोरामुमो अध्यक्ष मन घिसिङद्वारा आज सजनी डाँडा देवी मन्दिरमा पुजा अर्चना गरि गोर्खा जातिको मुद्दा चाँढै फत्ते होस् भन्ने कामना समेत गरेको गोरामुमो केन्द्रीय समिति प्रवक्ता वाई लामाले जानकारी दिएका छन् गोरामुमो अध्यक्ष मन घिसिङले, संस्थापक अध्यक्ष सुबास घिसिङले लक्ष्य प्राप्तिको निम्ति आजको दिन यहाँ पूजा अर्चना गरेर गोर्खाल्याण्ड प्राप्तिको निम्ति सङ्कल्प गरेका थिए । गोर्खाल्याण्ड हाम्रो लक्ष्य हो लक्ष्यमा हामी अडिग छौं। जाति र माटोको उन्मुक्तिको निम्ति गोर्खा राष्ट्रिय मुक्ति मोर्चाले निरन्तर कार्य गरिरहेको छ। भारत सरकारलाई हामीले जनाउनु पर्ने बताउनु पर्ने सबै गरिसकेका छौं। अब भारत सरकारले मुख खोल्नु पर्छ गोर्खा जातिले जाति र माटोको उन्मुक्तिको निम्ति बिजेपी सरकारलाई सघाएको हो। अब चाँढै खुशीको खबर सुन्न पाउँ र भारत सरकारले अब मुख खोल्नु पर्ने   बताए।