एसएसबीको हर घर तिरंगा कार्यक्रम सफलतापूर्वक सम्पन्न

आठौं वाहिनी सशस्त्र सीमा बल (एसएसबी) ले कमाण्डेन्ट मितुल कुमारको मार्गदर्शनमा हर घर तिरंगा कार्यक्रम सफलतापूर्वक सम्पन्न गरेको छ। यस कार्यक्रमअन्तर्गत वाहिनी मुख्यालयबाट एक मोटरसाइकल तिरंगा र्या ली निकालिएको थियो। जसमा अधिकारीहरू, जवानहरू, र स्थानीय गाउँलेहरूले उत्साहका साथ भाग लिएका थिए। यो र्यािली मुख्यालयबाट शुरु भएर ट्यांक मोड हुँदै खपरैल बजार अनि हिमुल मोडसम्म पुगेर पुनः मुख्यालयमै फर्किएको थियो। सहभागीहरूले हातमा राष्ट्रिय झन्डा बोकेर देशभक्तिका नाराहरू लगाउँदै जनचेतना फैलाए र सबै नागरिकलाई आ-आफ्नो घरमा राष्ट्रिय झन्डा फहराउन आग्रह गरेका थिए। यसका साथै, वाहिनीको कार्यक्षेत्रभित्र पर्ने बाह्य सीमा चौकी बारामानीरामजोतमा पनि मोटरसाइकल र्यािलीको आयोजना गरिएको थियो। त्यसैगरी मिरिकको बाघखोर र पशुपति फाटकमा स्कूले विद्यार्थी र स्थानीय गाउँलेहरूसँग मिलेर एक तिरंगा र्या ली निकालिएको थियो। यस कार्यक्रमको मुख्य उद्देश्य देशभक्तिको भावनालाई सुदृढ गर्नु र ‘आजादीको अमृत महोत्सव’ अन्तर्गत राष्ट्रिय झन्डाको सम्मानका लागि धेरैभन्दा धेरै मानिसहरूलाई प्रेरित गर्नु रहेको एसएसबीले बताएको छ।