निःशुल्क स्वास्थ्य जाँच र रक्तदान शिविर

स्वाभिमान संघ, नोल डाँडाको तत्वावधानमा आइतबार नोल डाँडामा निःशुल्क स्वास्थ्य जाँच तथा रक्तदान शिविर सफलतापूर्वक सम्पन्न भएको थियो। यस शिविरमा नोल डाँडा र वरपरका क्षेत्रका धेरै मानिसहरूले रक्तदानका साथै विभिन्न रोगहरूको निःशुल्क जाँच गराए।
शिविरमा स्त्री रोग विशेषज्ञ, हड्डी सम्बन्धी रोग विशेषज्ञ, दाँत सम्बन्धी रोग विशेषज्ञ, छाला सम्बन्धि रोग विशेषज्ञ, र आँखा सम्बन्धि रोग विशेषज्ञले बिरामीहरूको जाँच गरेका थिए। रक्तदान शिविर सिलगढी तराई लायन्स ब्लड सेन्टरको सहयोगमा सञ्चालन गरिएको थियो। रक्तदान गर्ने सम्पूर्ण रक्तदाताहरूलाई प्रमाणपत्र पनि वितरण गरिएको थियो।
यस शिविरलाई सफल बनाउन बेंगलुरु हेल्थकेयर अनि इनिसिएटिभ टु इक्वालिटी अफ सिटिजन राइट, मिरिक पञ्चायत समिति, र स्वनिर्भर दलहरूले सहयोग गरेको आयोजक समितिका अध्यक्ष जीवन बोम्जन र सचिव रामप्रसाद क्षेत्रीले जानकारी दिएका छन्।