नेवार जातिको पर्व क्वाँटी पूर्णिमा पालन गरिने

खरसाङमा अखिल भारतीय नेवार संगठन खरसाङ आञ्चलिक समितिको आयोजनामा यसपाली पनि नेवार जातिको पर्व क्वाँटी पूर्णिमा विभिन्न सांस्कृतिक कार्यक्रमहरुका‌ साथमा पालन गरिने भएको छ।‌ यसै विषयलाई लिएर खरसाङको‌‌ भीमेश्वर मन्दिर परिसरमा अखिल भारतीय नेवार संगठन खरसाङ आञ्चलिक समितिको सभा बिहीबार आयोजन गरिएको थियो।‌ यो पर्व आगामी 9 अगस्तको दिन खरसाङमा‌ पालन गरिने भएको छ।‌ उक्त अवसरमा लाखे नृत्यसितै विभिन्न सांस्कृतिक झाँकीहरुका साथमा रैली निकालिने र खरसाङको पार्क लोकेशनस्थित गोर्खा सार्वजनिक भवनमा पुगेर विभिन्न सांस्कृतिक कार्यक्रमहरुको साथमा क्वाँटी पूर्णिमा कार्यक्रम आयोजना गरिने आयोजन समितिका संयोजक अलङ्कार प्रधानले जानकारी गराएका छन्।