दार्जीलिङ,16 जुलाई(निसं): दार्जीलिङको वार्ड नम्बर 17, लुइस जुबली कम्पलेक्सका सरकारी क्वाटरमा गत रात गएको पैह्रो स्थलमा इण्डियन गोर्खा जनशक्ति फ्रण्टको टोली पुगेको राब्गे राईले बताए। राईले बताए अनुसार, स्थानीय वासिन्दाहरुसँग कुराकानी गर्ने क्रममा थाहा पाए अनुसार, एक वर्ष अघिनै स्थानीय समाजले सोही क्वाटरको दयनीय स्थितिबारे जीटीए अनि जीटीए प्रमुखलाई जिर्णोद्वारको निम्ति पत्रचार गरिसकेको थियो तर सम्बन्धित निकायहरुबाट केही ठोस कार्य भएनन्। पहिरो स्थलबाट आईजीजेएफका राब्गे राईले यो घटना स्थललाई चाढै पुन: निर्माण अनि पीडित परिवारहरुलाई पुनर्वास गरिनु पर्छ भनी माग राखे।
