डेलो पार्कमा प्याराग्लाइडिङ औपचारिक रूपमा सञ्चालन

मनसुनको समाप्तिपछि कलिम्पोङको रमणीय डेलो पार्कमा प्याराग्लाइडिङ गतिविधिहरू १५ सेप्टेम्बर २०२५ देखि औपचारिक रूपमा पुनः सुरु गरिएको छ। यसबारे आज एक पत्रकार सम्मेलनमार्फत कालेबुङ प्याराग्लाइडिङ संघका अध्यक्ष अमित राई र महासचिव बिपेन गोलेद्वारा जानकारी गराइएको थियो। उनीहरूले जानकारी गराए अनुसार अहिले देश-विदेशबाट पर्यटकहरू कलिम्पोङ आइरहेका छन् र डेलो पार्कबाट प्याराग्लाइडिङको रोमाञ्चक अनुभव लिइरहेका छन्। कालेबुङको प्रमुख पर्यटकीय आकर्षणमध्ये प्याराग्लाइडिङ पनि एक हो, र हामी सबैलाई यहाँ स्वागत गर्न पाउँदा खुसी लागेको अध्यक्ष राईले बताएका छन्।