शिल्पकार-चित्रकारहरुको निम्ति दार्जीलिङ सोभिनियर हाउसकाे उद्धघाटन

स्थानीय शिल्पकार, चित्रकारहरुको कलालाई स्थान दिंदै मिरिकको कृष्णनगरमा खोलएको छ दार्जीलिङ सोभिनियर हाउस। यहाँ स्थानीय शिल्पकारहरुद्वारा निर्मित बस्तुहरु बिक्रीमा राखिने छ, जसमा पेन्टिङ, सिलाई बुनाईका सामाग्री, मग प्रिन्ट, टि सर्ट प्रिन्ट, लोकल अचार, फ्रेमहरु, फोटोग्राफ, सम्मान चिन्हहरु पनि प्रिन्ट गर्न सकिनेछ। दार्जीलिङ सोभिनियर हाउसको प्रत्येक सामाग्रीमा गोर्खापन पाइनेछ। गोर्खे स्वाद अनि संस्कृतिको बेजोड मिलन हो दार्जीलिङ सोभिनियर हाउस कृष्णनगरकाे उद्धघाटन मिरिक नगरपालिका अध्यक्ष एलबी राईले गर्दै उक्त कार्यकाे प्रशंसा गरे। सोभिनियर हाउसमा गोर्खे चेलीहरुद्वारा निर्मित बिभिन्न स्वादमा अचारहरु यहाँ उपलब्ध छ, यसका साथै सिलाई बुनाईका बिभिन्न सामाग्रीहरु यहाँ पाउन सकिने छ भन्दै संचालक अरविनराज गुरूङले स्थानीयहरुको कलालाई कसैले पनि सम्मान गर्न चहान्छन भने एकचोटि अवश्य दार्जीलिङ सोभिनियर हाउस कृष्णनगर मिरिकमा आइदिने अनुराेध गरेका छन।